தமிழகத்தில் இடதுசாரிகளின் எழுச்சியை பாருங்க.. 8 தொகுதிகளில் வெற்றி கன்பார்ம்.. நக்கீரன் கணிப்பு

Updated: Saturday, May 1, 2021, 16:21 [IST]

Subscribe to Oneindia Tamil

சென்னை: கடந்த சட்டமன்ற தேர்தலில் படுதோல்வியை சந்தித்த இடதுசாரி கட்சிகள் இந்த முறை பெரிய அளவில் எழுச்சி பெறும் என்று நக்கீரன் நடத்திய எக்ஸிட் போல் கணிப்பில் கூறியுள்ளது.

மொத்தம் 234 தொகுதிகளை கொண்ட தமிழகத்தில் ஆட்சியை பிடிக்க 118 தொகுதிகளை கைப்பற்ற வேண்டும்.தமிழகத்தில் தி.மு.ககூட்டணி -அ.தி.மு.க கூட்டணி இடையே நேரடி போட்டி நிலவுகிறது.

மக்கள் நீதி மய்யம் கூட்டணி, அ.ம.மு.க கூட்டணி களம் காண்கிறது. நாம் தமிழர் தனியாக களம் இறங்கியுள்ளது. இந்திய கம்யூனிஸ்ட் கட்சி( சி.பி.ஐ), மார்க்சிஸ்ட் கம்யூனிஸ்ட் கட்சி(சி.பி.எம்) ஆகிய கட்சிகள் தி.மு.க கூட்டணியில் உள்ளன.

கருத்து கணிப்பு பலவிதம்

ஏற்கனவே தேர்தலுக்கு முந்தைய கருத்து கணிப்புகள் வெளியிடப்பட்டன. இதில் பெரும்பாலான கருத்து கணிப்புகள் 10 ஆண்டுகளுக்கு பிறகு தி.மு.க அமோக வெற்றி பெற்று ஆட்சியை பிடித்தது. ஒரு சில இடங்களில் கடும் போட்டி இருக்கும் என்று கூறியுள்ளது. இந்த நிலையில் தேர்தலுக்கு பிந்தைய கருத்து கணிப்புகள் வெளியிடப்பட்டன.

திமுக வெற்றி பெறும்

இதில் ஏராளமான கருத்து கணிப்புகள் தி.மு.க 10 ஆண்டுகளுக்கு பிறகு வெற்றி பெற்று அரியணையில் அமரும் என்று கூறியுள்ளன. இதே போல் நக்கீரன் இதழ் நடத்திய கருத்து கணிப்பிலும் திமுக வெற்றி பெறும் என்று கூறியுள்ளது. அந்த வகையில் கடந்த தேர்தலில் தோல்வியை சந்தித்த இடதுசாரி கட்சிகள் இந்த முறை வலுவாக எழுச்சி பெறுகிறது என்று நக்கீரன் கருத்து கணிப்பில் கூறியுள்ளது.

எழுச்சி பெறும் இடதுசாரிகள்

அதாவது மார்க்சிஸ்ட் கம்யூனிஸ்ட் கட்சி(சி.பி.எம்) தளி , அரூர், கீழ்வேளூர் (தனி), கந்தர்வக்கோட்டை (தனி) ஆகிய தொகுதிகளில் வெற்றியை வசப்படுத்தும் என்று நக்கீரன் கருத்து கணிப்பில் கூறியுள்ளது. இந்திய கம்யூனிஸ்ட் கட்சி( சி.பி.ஐ) பவானிசாகர் (தனி), திருப்பூர் வடக்கு, திருத்துறைப்பூண்டி (தனி), வால்பாறை (தனி) ஆகிய தொகுதிகளில் வெற்றி நிலை நாட்டும் என்றும் கணித்துள்ளது.

8 தொகுதிகளின் வெற்றி

கடந்த 2016-ம் ஆண்டு சட்டசபை தேர்தலில் தே.மு.தி.க தலைமையிலான மக்கள் நல கூட்டணியில் அங்கம் வகித்து 50 தொகுதிகளில் போட்டியிட்ட இடதுசாரி கட்சிகள் படுதோல்வியை தழுவியது. அந்த வகையில் பார்த்தால் தற்போது 8 இடங்களை இடதுசாரி கட்சிகள் கைப்பற்றும் என்று நக்கீரன் கணித்துள்ளது. இது இடதுசாரிகளின் எழுச்சியையே காட்டுகிறது என்பது குறிப்பிடத்தக்கது.