சமந்தாவுக்கு மயோசிடிஸ் நோய் முழுவதும் குணமடையவில்லை.. விஜய் தேவரகொண்டா தகவல்

சென்னை: நடிகை சமந்தா மயோசிடிஸ் எனும் நோய் பாதிப்பில் இருந்து முழுமையாக குணமடையவில்லை என நடிகர் விஜய் தேவரகொண்டா தெரிவித்துள்ளார்.

தமிழில் ஈ படத்தில் நடித்து அறிமுகமானவர் சமந்தா. இந்த படம் வெற்றி பெறவே சமந்தா தென்னிந்திய திரையுலகில் முன்னணி கதாநாயகியாக வலம்வந்தார். அவர் பாலிவுட்டில் பல படங்களில் கமிட்டாகி இருந்தார்.

இந்த நிலையில் கடந்த ஆண்டு அவருக்கு மயோசிடிஸ் என்ற தசை அழற்சி நோயால் அவர் பாதிக்கப்பட்டார். இதனால் தூக்கத்தில் இருந்து கூட எழுந்திருக்க முடியாத நிலை இருந்ததாக சமந்தாவே தெரிவித்திருந்தார்.

இதனால் சினிமா படப்பிடிப்புகளில் கலந்து கொள்ள முடியாமல் இருந்தார். ஒரு கட்டத்தில் தான் ஒப்புக் கொண்டிருந்த படங்களில் இருந்தும் விலகி வந்தார். இதனால் சினிமா தொழிலும் சமந்தாவுக்கு கடுமையாக பாதிக்கப்பட்டது. இத்தனைக்கு முன்னணி நடிகையாக இருந்தவர். பின்னர் மயோசிடிஸ் நோய்க்காக அவர் 5 மாதங்கள் சிகிச்சை எடுத்துக் கொண்டார்.

இதைத் தொடர்ந்து உடல்நலம் சற்று தேறியவுடன் தான் ஒப்புக் கொண்ட படங்களில் நடித்தார். குஷி படத்தில் நடித்துக் கொண்டிருந்த போதுதான் சமந்தாவுக்கு மயோசிடிஸ் நோய் பாதிப்பு ஏற்பட்டது. இதனால் அந்த படக் குழுவினர் சமந்தாவின் உடல் நிலை குணமாகும் வரை அப்படத்தின் ஷூட்டிங்கை நடத்தாமல் இருந்தனர். தற்போது இந்த ஆண்டு சமந்தாவின் உடல்நலம் தேறியதால் அந்த படத்தின் காட்சிகள் எடுக்கப்பட்டன.

இந்த படம் வரும் செப்டம்பர் 1ஆம் தேதி திரைக்கு வருகிறது. இந்த குஷி படத்தின் இசை வெளியீட்டு விழா ஹைதராபாத்தில் நடந்தது. இதில் நடிகர் விஜய் தேவரகொண்டா, நடிகை சமந்தா கலந்து கொண்டனர். அப்போது விஜய் தேவரகொண்டா பேசுகையில் குஷி படத்திற்காக சமந்தா மிகவும் கஷ்டப்பட்டார். ஒரே கட்டமாக 60 சதவீதம் படப்பிடிப்பை முடித்துவிட்டோம்.

இந்த நிலையில் ஜூலை மாதம் சமந்தாவின்உடல்நிலை மோசமானது. உடல் நிலை சரியில்லை என சொன்ன போது கூட அவர் அழகாக இருந்தார். அவர் உடல் நிலை சரியில்லை என சொன்ன போதெல்லாம் நாங்கள் (படக்குழு) சாதாரணமாக எடுத்துக் கொண்டோம். ஆனால் அவரது பிரச்சினைகளை வெளிப்படையாக பேசிய பிறகுதான் அதன் தீவிரம் புரிந்தது.

மயோசிடிஸ் நோயால் ஒரு கட்டத்தில் எங்களிடம் கூட சமந்தா பேசவில்லை. அந்த அளவுக்கு அவர் கடும் வேதனையை அனுபவித்துள்ளார். இன்னும் அவர் முழுமையாக குணமடையவில்லை. இங்கிருக்கும் லைட்டுகளால் அவருக்கு தலை வலி ஏற்படும். இருந்தாலும் சிரித்த முகத்துடன் அவர் படத்தை நடித்து கொடுத்தார்.

English summary

Actor Devarakonda says that still Samantha has myocitis disease. Her film kushi will release in September 1.