மணப்பாக்கத்தில் கனவு இல்லம் கட்டிய மாரிமுத்து.. கடைசி வரை புதுவீட்டில் காலடி வைக்காமல் போய்விட்டாரே
சென்னை: பார்த்து பார்த்து தான் கட்டிய வீட்டிற்குள் அவர் கடைசி வரை செல்ல முடியாமல் போனதே என அவருடைய குடும்பத்தினர் மிகவும் வருத்தமாக தெரிவித்துள்ளார்கள்.
பிரபல இயக்குநரும் குணச்சித்திர நடிகருமான மாரிமுத்து. இன்று காலை திடீரென அவருக்கு மாரடைப்பு ஏற்பட்டது. இதையடுத்து மருத்துவமனைக்கு அழைத்து செல்லப்பட்டார். ஆனால் அவர் இறந்துவிட்டதாக மருத்துவர்கள் தெரிவித்தனர்.
அண்மையில் ஜெயிலர் படத்தில் நடித்திருந்தார். மேலும் இந்தியன் 2 படத்திலும் நடித்துள்ளார். எதிர்நீச்சல் சீரியலில் ஆதி குணசேகர் கேரக்டரில் ஏய் இந்தாம்மா என கூறி அனைவரையும் மிரள வைத்தவர். இப்படி ஒரு பெண்ணடிமைத்தனம் கொண்ட கேரக்ட்ரா என்றெல்லாம் பலர் கேள்வி எழுப்பியிருந்தார்கள்.
தனது கேரக்டர், டயலாக், உடல் மொழி, முக பாவனை இவைதான் மாரிமுத்துவின் சொத்து. இந்த எதிர்நீச்சல் சீரியலில் இவருக்கு ஒரு நாளைக்கு 20 ஆயிரம் ரூபாய் பேசப்பட்டது. இவருடைய இறப்பு சின்னத்திரை கலைஞர்களுக்கு பேரிழப்பாகியுள்ளது. எதிரில் இருக்கும் நடிகர்களும் இப்படி பேச வேண்டும், அப்படி பேச வேண்டும் என கற்றுக் கொடுப்பாராம்.
இவர் அண்மையில் யூடியூப் சேனலுக்கு அளித்த பேட்டியில் கூறியிருப்பதாவது: 1994 ஆம் ஆண்டு எனக்கு திருமணம் ஆனது. 27 ஆண்டுகளாக பல இடங்களில் வாடகை வீட்டில் தான் வசித்தோம். இப்போது நான் சொந்த வீடு கனவு இல்லம் வாங்கியுள்ளேன். சொந்த வீடு என்பது எல்லோருக்கும ஒரு கனவு.
வெளியூரில் இருந்து சென்னையில் வந்து வாழ்பவர்களின் பெரும் கனவு சொந்த வீடு. என் கனவும் நிறைவேறிவிட்டது. இப்ப நான் ஒரு சொந்த வீடு, ஒரு பெரிய வீடு, கனவு இல்லம் வாங்கி இருக்கேன். மணப்பாக்கம் பகுதியில் வாங்கியுள்ளோம். என் மனைவியின் செல்ல பெயர் மலர், அந்த பெயரைத்தான் இந்த வீட்டிற்கு வைக்க போகிறோம்.
இந்த வீட்டின் பிளானை வீட்டில் ஒட்டி வைத்துள்ளேன். இதை பார்த்துவிட்டு சில மாற்றங்களை என்ஜீனியரிடம் சொல்வேன் என கூறியிருந்தார். இப்படி பார்த்து பார்த்து கட்டி வரும் கனவு இல்லத்தில் காலடி எடுத்து வைக்காமலேயே அவர் உயிர் பிரிந்துவிட்டது, மிகவும் வேதனை அளிக்கக் கூடியதாக இருக்கிறது. அந்த காலத்தில் அவர் பட்ட கஷ்டத்திற்கு தற்போது விடிவு பிறந்து நல்ல நிலையில் இருந்தார். எப்போதும் பிஸியாகவே ஷூட்டிங், டப்பிங் என இருந்தார்.
Click it and Unblock the Notifications
Sign in with Google