திடீரென முதல்வர் எடப்பாடியாரைச் சந்தித்த நடிகர் சூரி.. ஏன்?

Updated: Monday, October 12, 2020, 21:19 [IST]

Subscribe to Oneindia Tamil

சென்னை: தமிழக முதல்வர் எடப்பாடி பழனிசாமியை அவரது இல்லத்தில் நடிகர் சூரி இன்று சந்தித்தார்.

அதிமுகவின் முதல்வர் வேட்பாளராக அண்மையில் எடப்பாடி பழனிசாமியை துணை முதல்வரும் அதிமுகவின் ஒருங்கிணைப்பாளருமான ஓ. பன்னீர்செல்வம் அறிவித்தார். இதனையடுத்து முதல்வர் எடப்பாடி பழனிசாமியை அதிமுக நிர்வாகிகள், திரை உலகைச் சேர்ந்தவர்கள் நேரில் சந்தித்து வாழ்த்து தெரிவித்து வருகின்றனர்.

Actor Soori greets CM Edappadi Palanisami

நகைச்சுவை நடிகர் சூரியும் இன்று முதல்வர் எடப்பாடி பழனிசாமியை அவரது முகாம் அலுவலகத்தில் நேரில் சந்தித்தார். இச்சந்திப்பின் போது மலர்க்கொத்து வழங்கி முதல்வர் எடப்பாடி பழனிசாமிக்கு சூரி வாழ்த்து தெரிவித்தார்.

அண்மையில் நடிகர் விஷ்ணு விஷால் தந்தையின் மீது நடிகர் சூரி நில மோசடி புகார் தெரிவித்திருந்தார். இதற்கு விஷ்ணு விஷால் தரப்பு பதில் தந்திருந்தது.

இந்த நிலையில் முதல்வர் எடப்பாடி பழனிசாமியை நடிகர் சூரி சந்தித்திருப்பது குறிப்பிடத்தக்கது.