நடிகை வனிதா விஜயகுமார் இன்று பாஜகவில் இணைகிறாரா?
சென்னை: நடிகை வனிதா விஜயகுமார் இன்று பாரதிய ஜனதா கட்சியில் இணைய உள்ளதாக தகவல்கள் வெளியாகி உள்ளன.
Recommended Video
சந்திரலேகா, மாணிக்கம் உள்ளிட்ட சில படங்களில் நடித்தவர் வனிதா விஜயகுமார். அவரது குடும்ப பிரச்சனைகளால் அதிகம் பரபரப்பாக பேசப்பட்டார்.
பின்னர் கடந்த பிக்பாஸ் 3-வது சீசனில் பங்கேற்று மீண்டும் லைம் லைட்டுக்கு வந்தார். தனியார் டிவி நிகழ்ச்சிகளில் பங்கேற்ற நிலையில் பீட்டர் பால் என்பவரை காதலித்து 3-வது திருமணம் செய்தார் வனிதா.
ஆனால் பீட்டர்பால் குடிப்பழக்கத்துக்கு அடிமையாகிவிட்டார்; ஆகையால் அவரை பிரிந்துவிட்டதாக அறிவித்தார் வனிதா. இந்த அறிவிப்பு வெளியான நிலையிலேயே பாஜகவில் அவர் இணைய உள்ளதாகவும் செய்திகள் வெளியாகின.
தமிழக பாஜக தலைவர் எல். முருகனை இன்று நேரில் சந்தித்து அக்கட்சியில் வனிதா விஜயகுமார் இணைய உள்ளதாக கூறப்படுகிறது. பாஜகவில் ஏற்கனவே நடிகைகள் காயத்ரி ரகுராம், நமீதா, கவுதமி, குஷ்பு என பெரும் பட்டாளமே இருக்கின்றனர் என்பது குறிப்பிடத்தக்கது.
Click it and Unblock the Notifications
Sign in with Google