ஏன் அரசு மருத்துவமனையில் கொரோனா தடுப்பூசி போட்டேன்னா.. நடிகர் விவேக்கின் பேச்சு வைரல்!
சென்னை: தனியார் மருத்துவமனையில் போட்டுக் கொள்ளாமல் அரசு மருத்துவமனையில் தான் ஏன் தடுப்பூசி போட்டுக் கொண்டார் என்பதை விளக்கிய விவேக்கின் வீடியோ வைரலாகி வருகிறது.
இதுகுறித்து விவேக் செய்தியாளர்களிடம் கூறுகையில் ஊடக பெருமக்களுக்கு எனது அன்பான காலை வணக்கம். நான் மாஸ்க்கை எடுக்கக் கூடாது, அதனால் மாஸ்க் போட்டுக் கொண்டே பேசுகிறேன்.
இன்று ஓமந்தூரார் அரசு மருத்துவமனையில் சுகாதாரத் துறை செயலாளர் ராதாகிருஷ்ணன், மருத்துவக் கல்லூரியின் டீன் திருமதி ஜெயந்தி, கோவிட் பிரிவுக்கு பொறுப்பாளரான டாக்டர் ரமேஷ் , மல்டி ஸ்பெஷாலிட்டிக்கு பொறுப்பாளரான டாக்டர் ஆனந்த் ஆகியோர் முன்னிலையில் இந்த அரசு மருத்துவமனையில் கொரோனா தடுப்பூசி போட்டுக் கொண்டேன்.
மருத்துவமனை
எனது நண்பர்களும் போட்டுக் கொண்டார்கள். இந்த ஊசியை தனியார் மருத்துவமனையில் நான் ஏன் போடவில்லை, அரசு மருத்துவமனையில் ஏன் போட்டுக் கொள்கிறேன் என்ற கேள்வி வரும். அரசு மருத்துவமனைகள்தான் பெரும்பாலான மக்களுக்கும் ஏழை மக்களுக்கும் சென்று சேருகின்ற மருத்துவ சேவை செய்து வருகிறது.
வதந்திகள்
அதனால் இந்த தடுப்பூசியை போட்டுக் கொள்ளலாமா, இல்லை வேண்டாமா, இதனால் பக்கவிளைவுகள் ஏற்படுமா என மக்களிடையே பலவிதமான வதந்திகள் உலவுகின்றன. அந்த வதந்திகளுக்கு முற்றுப்புள்ளியாக இருக்க வேண்டும். இந்த ஊசியை போட்டதால் எந்தவித ஆபத்தும் கிடையாது, நமக்கு பாதுகாப்பு உண்டு என்பதை பொதுமக்களுக்கு தெரிவிக்கவே நான் அரசு மருத்துவமனையில் ஊசி போட்டுக் கொண்டேன்.
சமூக இடைவெளி
இந்தியாவில் ஒரே நாளில் 2 லட்சம் பேர் கொரோனாவால் பாதிக்கப்பட்டுள்ளார்கள். மற்ற மாநிலங்களில் மிகவும் வேகமாக பரவி வருகிறது. நம் தமிழகத்தில் ஒரே நாளில் 7,819 பேர் ஒரே நாளில் கொரோனாவால் பாதிக்கப்பட்டுள்ளார்கள். பொதுமக்களுக்கு சமூகபாதுகாப்பு என்பது இந்த முகக் கவசமும் கையை அடிக்கடி கழுவுவதும் சமூக இடைவெளியும்தான்.
|
உயிரை பாதுகாக்கும்
ஆனால் மருத்துவ ரீதியான பாதுகாப்பு தற்போது ஒன்றே ஒன்றுதான் இருக்கிறது. அது இந்த கொரோனா தடுப்பூசிதான். இது தவிர நிறைய பேர் சித்த மருத்துவம், ஆயுர்வேத மருத்துவம், விட்டமின் சி, ஜின்க் மாத்திரை உள்ளிட்டவற்றை மக்கள் எடுத்துக் கொள்வார்கள். இதெல்லாம் சரிதான். இவையெல்லாம் கூடுதல் பாதுகாப்பு. அரசு மூலமாக வரும் தடுப்பூசிதான் உங்கள் உயிரை பாதுகாக்கும் என விவேக் பேசியிருந்தார்.
Click it and Unblock the Notifications
Sign in with Google