பீரியட்ஸ் நேரத்தில்தான் இதையெல்லாம் சொல்வாங்க! இயக்குநரிடம் நோ சொல்லிடுவேன்.. நடிகை அஞ்சலி

சென்னை: பீரியட்ஸ் நேரத்தில்தான் இயக்குநர்கள் அதையெல்லாம் சொல்வார்கள் என நடிகை அஞ்சலி தனக்கு ஏற்பட்ட அனுபவத்தை பகிர்ந்துள்ளார்.

நடிகை அஞ்சலி கற்றது தமிழ் என்ற படத்தின் மூலம் 2007ஆம் ஆண்டு ரசிகர்களுக்கு அறிமுகமானார். இந்த படத்தில் ஆனந்தி என்ற கதாபாத்திரத்தில் நடித்தமைக்காக இவருக்கு பிலிம்பேர் விருது கிடைத்தது. சிறந்த அறிமுக நடிகைக்கான விருதையும் பெற்றார்,

அது போல் 2010ஆம் ஆண்டு அங்காடித் தெரு என்ற படத்திலும் நடித்து சிறந்த நடிகைக்கான பிலிம்பேர் விருதை பெற்றார். தனது நடிப்பு திறன் மூலம் தேவையான கதாபாத்திரங்களில் நடித்து வந்தார். இவர் இதுவரை 18 படங்களில் நடித்துள்ளார்.

கடந்த சில ஆண்டுகளுக்கு முன்பு கூட தனது சித்தி கொடுமை செய்வதாக இவர் பகீர் புகார் அளித்திருந்தார். தான் கஷ்டப்பட்டு சம்பாதித்த சொத்துகளை சித்தி பாரதி தேவி அபகரித்துவிட்டதாகவும் அவர் புகார் கூறிய நிலையில் தனது உயிருக்கு ஆபத்து என்றும் புகார் கூறியிருந்தார்.

இந்த நிலையில் தனது தங்கை அஞ்சலியை காணவில்லை என்றும் அவர் காணாமல் போனதற்கு சித்தி பாரதி தேவிதான் காரணம் என்றும் அவருடைய அண்ணன் ரவிசங்கர் போலீஸில் புகார் அளித்திருந்தார். இந்த நிலையில் அஞ்சலி தனது அண்ணனை தொலைபேசியில் தொடர்பு கொண்டு என்னை யாரும் கடத்தவில்லை.

சித்தப்பா சூரி பாபு என் தலைமுடியை பிடித்து இழுத்து அடித்ததால் நான் ஹோட்டலை விட்டு வெளியேறி பாதுகாப்பான இடத்தில் இருக்கிறேன். என்னை பற்றி கவலைப்படாதே, என்னை காணவில்லை என கொடுத்த புகாரை வாபஸ் வாங்கிவிடு. சித்தி பாரதி தேவி மீது கொடுத்த புகாரை மட்டும் அப்படியே வைத்துவிடு, திரும்பி வாங்காதே என கூறியிருந்தார்.

அது போல் இவர் நடிகர் ஜெய்யை காதலித்ததாகவும் செய்திகள் வந்தன. அது போல் தொழிலதிபரை திருமணம் செய்து கொண்டு அமெரிக்காவில் செட்டிலானதாகவும் சொல்லப்படுகிறது. இதை அஞ்சலி மறுத்தார். வெப்சீரிஸில் ஒன்றில் நடித்து வரும் அஞ்சலி ஒரு யூடியூப் சேனலுக்கு பேட்டி அளித்திருந்தார்.

அந்த பேட்டியில் அவர் கூறியிருப்பதாவது: பொதுவாகவே ஒவ்வொரு பெண்களுக்கும் பீரியட்ஸ் நேரத்தில் பல வகையான வேதனைகள் ஏற்படும். அடி வயிற்றில் வலி இருக்கும். உடல் வலி இருக்கும். எனக்கு எப்போதெல்லாம் பீரியட்ஸ் நேரம் வருகிறதோ அப்போதுதான் மழையில் நனைந்தபடி நடிக்கச் சொல்வார்கள்.

ஈரமான உடைகளை அணிய சொல்வார்கள். மிகவும் மகிழ்ச்சியான காட்சிகளில் நடிக்கச் சொல்வார்கள், ஆனால் நமக்கு வலி இருக்கும். அத்துடன் கடினமான டான்ஸ் மூவ்மென்ட்டுகளை எல்லாம் செய்ய சொல்வார்கள். எனக்கு ஒரு விதமாக கடுப்பாக இருக்கும். அதனால் என்னுடைய பீரியட்ஸ் நேரங்களில் இயக்குநர்களிடம் இப்படிப்பட்ட காட்சிகளை வைக்கக் கூடாது என சொல்லிவிடுவேன். இவ்வாறு அஞ்சலி தெரிவித்துள்ளார்.

English summary

Actress Anjali says about shooting difficult in menstrual time. I refused to Director for acting in this time period.