பாஜகவுக்கு வரும் இன்னொரு ராமன்.. நடிகை பிரியா ராமன்.. விரைவில்!

நடிகை பிரியா ராமன் பாஜகவில் இணைவதாக கூறப்படுகிறது

Updated: Thursday, July 25, 2019, 16:34 [IST]

Subscribe to Oneindia Tamil

சென்னை: கூடிய சீக்கிரம் நடிகை பிரியா ராமன் பாஜகவில் இணைய போவதாக சொல்கிறார்கள். அதற்கான அறிவிப்பும் ஓரிரு நாளில் வெளியாகும் என்கிறார்கள்.

ரஜினிகாந்த் கதை எழுதி நடித்த வள்ளி படத்தின் மூலம் ஹீரோயின் ஆனவர் பிரியா ராமன். தொடர்ந்து பல படங்களில் நடித்து முன்னணி நடிகையாக வந்தார்.

நேசம் புதுசு படத்தில் தன்னுடன் உடன் நடித்த ரஞ்சித்தை காதலித்து கல்யாணம் செய்துகொண்டார். 2 மகன்கள் இருந்தும், கருத்து வேறுபாடு காரணமாக 2014-ல் இருவரும் விவாகரத்து செய்து கொண்டனர்.

தற்போது சீரியல்களில் பிஸியாக நடித்து வருகிறார் பிரியா ராமன். இந்நிலையில் இவர், பாஜகவில் இணைய உள்ளதாக கூறப்படுகிறது.

கட்சியில் இணைவதற்காகவே ஆந்திராவில் உள்ள பாஜக பிரமுகர்களை பிரியா ராமன் சந்தித்து பேசிவிட்டாராம். அதனால் இது குறித்த அதிகாரப்பூர்வ அறிவிப்பும் இன்னும் 2 நாளில் வெளியாகும் என்கிறார்கள்.

ஏற்கனவே நடிகர், நடிகைகளை குறி வைத்துதான் பாஜகவின் அரசியல் மேற்கு வங்கம் உள்ளிட்ட பல்வேறு மாநிலங்களில் முன்னெடுத்து செல்லப்படுகிறது. இப்போது தமிழகத்திலும் இது தொடர ஆரம்பித்துள்ளது. இப்படிதான் 2 மாசத்துக்கு முன்னாடி கீர்த்தி சுரேஷ் பாஜகவில் இணைவதாக கூறப்பட்ட நிலையில், அது என்ன ஆனது என்றே தெரியவில்லை.

ஆனால் பிரியா ராமன் பாஜகவில் இணைவது கிட்டத்தட்ட உறுதி என்கிறார்கள். நடிகர் ரஞ்சித் பாமகவில் இருந்து விலகி, அமமுகவுக்கு சென்றார். அங்கே அவர் எப்படி இருக்கிறார்? தற்போதைய அவரது நிலைப்பாடு என்னவென்று தெரியாத பட்சத்தில், பிரியா ராமனின் அரசியல் வருகை கவனிக்கத்தக்கதாக உள்ளது.