நடிகை ரோஜா கொடுத்த ஒன்றரை கோடி கிஃப்ட்.. குவியும் வாழ்த்தும், கண்டனமும்.. என்ன நடந்தது?

நடிகை ரோஜா தன் மகனுக்கு பென்ஸ் காரை பரிசாக தந்துள்ளார்

Updated: Friday, July 15, 2022, 19:51 [IST]

Subscribe to Oneindia Tamil

சென்னை: தன்னுடைய மகனுக்கு ரூ.1.5 கோடி மதிப்பிலான பென்ஸ் காரை நடிகை ரோஜா கிப்ட் ஆக தந்திருக்கிறார்.. இது தற்போது சர்ச்சையை கிளப்பிவிட்டு வருகிறது.

நடிகை ரோஜா, தமிழ், தெலுங்கு சினிமா உலகில் தனக்கென ஒரு தனியிடத்தை பெற்றவர்.. 90களில் மிகவும் பிரபலமாக திரையுலகில் வலம் வந்தவர்.

சினிமா வாய்ப்புகள் குறைந்த நிலையில், திடீரென அரசியலிலும் என்ட்ரி தந்தார்.. ஆந்திர அரசியலில் ஃபயர் பிராண்ட் என்ற பெயரை பெற்றவர் நடிகை ரோஜா..

ரோஜா

ஒய்.எஸ்.ஆர்.காங்கிரஸ் கட்சியில் சேர்ந்து பல அதிரடிகளை செய்தனர்.. ஆந்திராவின் நகரி தொகுதி எம்எல்ஏ நடிகை ரோஜா, மேற்கொண்ட செயல்திட்டங்களும், அறிவிப்புகளும் மக்களிடம் விரைந்து சென்றடைந்தன.. இந்த அதிரடிகளுக்கு தனக்கு பெரிதும் காரணமாக இருப்பது மறைந்த ஜெயலலிதா தான் என்றும், அவரது பாணியையே தான் கையில் எடுத்து வருவதாகவும் அடிக்கடி நெகிழ்ச்சியுடன் சொல்லி வருபவர்...

பென்ஸ் கார்

சமீபத்தில் இவருக்கு அமைச்சர் பதவியும் தானாகவே தேடி வந்தது... சுற்றுலாத்துறை அமைச்சராக இருக்கிறார். இந்நிலையில் நடிகை ரோஜா, தன்னுடைய மகனுக்கு ஒன்றரைக் கோடி ரூபாய் மதிப்புள்ள பென்ஸ் காரை பரிசாக வழங்கியுள்ளார்... ரிஜிஸ்டிரேஷன் செய்யப்பட்ட புது காருக்கு முன்பு, மகனும், ரோஜாவும் நிற்பது போன்ற போட்டோவும் இணையத்தில் வைரலானது.

ரோஜா

இதற்கு பலரும் ரோஜாவுக்கும் அவரது மகனுக்கும் வாழ்த்து தெரிவித்து வருகின்றனர்.. அதேசமயம், பலர் கடுமையாகவும் விமர்சித்து வருகின்றனர்.. காரணம், ரோஜா சில வருடங்களுக்கு முன்பு ஒரு பேட்டியில், நான் ஒரு சாதாரண பெண்.. பணக்காரி கிடையாது.. கஷ்டப்பட்டுதான் மேலே வந்துள்ளேன் என்று கூறியிருந்தார்.. அந்த பேட்டியின் வீடியோவை பதிவிட்டு, எப்படி திடீரென சம்பாதித்துவிட்டீர்கள்? 'அமைச்சரானதால் சம்பாதித்து விட்டீரா என்று கேட்டு வருகிறார்கள்...

வதந்திகள்

இதற்கு ரோஜாவின் ரசிகர்களும், தொண்டர்களும் பதிலளித்து வருகின்றனர்.. சினிமாவில் நீண்ட காலம் கடினமாக உழைத்தவர் ரோஜா. டிவி தொடர்களிலும், பல நிகழ்ச்சிகளிலும் பங்கேற்று சம்பாதித்துள்ளார். அப்படி இருக்கும்போது, கார் வாங்க முடியாதா? அரசியல் காழ்ப்புணர்ச்சியால் யாரோ கிளப்பிவிடும் வதந்தி இது.. வாங்க முடியாத அளவுக்கு மோசமான நிலையில் ரோஜா இல்லை என்றும் ஆதரவாக பதிவிட்டு வருகின்றனர்.