2.30 மணிநேரம் விலாவாரி வாக்குமூலம் தந்த விஜயலட்சுமி! திருவள்ளூர் கோர்ட் உத்தரவிட்டால் சீமான் கைது?
சென்னை: நாம் தமிழர் கட்சியின் தலைமை ஒருங்கிணைப்பாளர் சீமான் தம்மை திருமணம் செய்து ஏமாற்றி மோசடி செய்தது குறித்து திருவள்ளூர் நீதிமன்றத்தில் சுமார் 2.30 மணிநேரம் வாக்குமூலம் தந்தார். இந்த வாக்குமூலத்தின் அடிப்படையில் திருவள்ளூர் நீதிமன்றம் உத்தரவிட்டால் சீமான் உடனடியாக கைது செய்யப்படலாம் என்கின்றன போலீஸ் வட்டாரங்கள்.
2008-ம் ஆண்டு மதுரையில் தம்மை சீமான் திருமணம் செய்து கொண்டார்; தம்மிடம் இருந்து ரூ65 லட்சம் ரொக்கம், ரூ35 லட்சம் மதிப்பிலான நகைகளையும் பறித்துக் கொண்டு ஏமாற்றிவிட்டார். தம்மை கைவிட்டு விட்டு இன்னொர் திருமணம் செய்து கொண்டார் என்பதுதான் நடிகை விஜயலட்சுமியின் நீண்டகால புகார்.
2011-ம் ஆண்டு இதே புகார் கொடுத்து பரபரப்பை கிளப்பினார் நடிகை விஜயலட்சுமி. ஆனால் அப்போது அதிமுக ஆட்சியில் நடிகை விஜயலட்சுமி விவகாரம் அமுங்கிப் போனது. தற்போது மீண்டும் இந்த விவகாரம் விஸ்வரூபம் எடுத்திருக்கிறது.
சென்னையில் போலீஸ் கமிஷனர் அலுவலகத்தில் சீமான் மீது மீண்டும் மோசடி புகார் கொடுத்தார் விஜயலட்சுமி. இப்புகாரின் அடிப்படையில் சென்னை ராமாபுரம் காவல்நிலையத்தில் காவல் துணை ஆய்வாளர் உமையாள் சுமார் 8 மணிநேரம் விஜயலட்சுமியிடம் விலாவாரியாக விசாரணை நடத்தினார். இந்த விசாரணை முடிவடைந்த பின்னரும் சீமான் மீது நடவடிக்கை எடுத்தால் மட்டுமே காவல் நிலையத்தை விட்டு வெளியேறுவேன் என விஜயலட்சும் அடம் பிடித்தார் எனவும் கூறப்பட்டது.
இதனையடுத்து திருவள்ளூர் அமர்வு நீதிமன்றத்தில் மாஜிஸ்திரேட் பவித்ரா முன்பு நடிகை விஜயலட்சுமி இன்று ஆஜர்படுத்தப்பட்டார். திருவள்ளூர் நீதிமன்றத்தில் சுமார் 2.30 மணி நேரம் நடிகை விஜயலட்சுமி, போலீசில் தெரிவித்த வாக்குமூலத்தை மீண்டும் வழங்கினார். இதை மாஜிஸ்திரேட் பதிவு செய்து கொண்டார்.
இதனைத் தொடர்ந்து திருவள்ளூர் நீதிமன்றம் உத்தரவு பிறப்பித்தால் நாம் தமிழர் தலைமை ஒருங்கிணைப்பாளர் சீமான் உடனடியாக கைது செய்யப்படுவார் என்கின்றன போலீஸ் வட்டாரங்கள்.
ஆனால் தம் மீதான புகார்கள் அனைத்தும் பொய்; தம்மை தேர்தல் பணிகளில் இருந்து திசை திருப்புவதற்கு இந்த புகார்கள் தரப்படுகின்றன. நான் எங்கும் தப்பிச் செல்ல மாட்டேன். முடிந்தால் என் மீது கை வைத்து பார்க்கலாம் என்றெல்லாம் சீமான் தொடர்ந்து பேட்டி கொடுத்து வருகிறார் என்பது குறிப்பிடத்தக்கது.
Click it and Unblock the Notifications
Sign in with Google