முதல்வர் ஸ்டாலினை நேரில் சந்தித்த அழகிரி.! பல மாதங்களுக்கு பிறகு ஆழ்வார்பேட்டை இல்லத்தில் சந்திப்பு

Updated: Friday, February 28, 2025, 19:38 [IST]

Subscribe to Oneindia Tamil

சென்னை: முதல்வர் ஸ்டாலினின் பிறந்த நாள் நாளை கொண்டாடப்பட உள்ள நிலையில், ஆழ்வார்பேட்டை இல்லத்தில் முன்னாள் மத்திய அமைச்சரும் அவரது மூத்த சகோதரருமான அழகிரி, முதல்வர் ஸ்டாலினை சந்தித்துப் பேசினார். பல மாதங்களுக்கு பிறகு இருவரும் நேரில் சந்தித்துக் கொள்கிறார்கள் என்பது குறிப்பிடத்தக்கது.

தமிழ்நாடு முதல்வர் ஸ்டாலினின் பிறந்த நாள் நாளை கொண்டாடப்பட உள்ளது. மாநிலம் முழுக்க முதல்வர் ஸ்டாலினின் பிறந்த நாளை கோலாகலமாகக் கொண்டாட திமுகவினர் ஏற்பாடுகள் செய்து வருகிறார்கள்.

இதற்கிடையே இன்று தமிழ்நாடு முதல்வர் ஸ்டாலினை அவரது மூத்த சகோதரர் மு.க.அழகிரி சந்தித்துப் பேசினார். ஆழ்வார்பேட்டையிலுள்ள இல்லத்தில் ஸ்டாலினை நேரில் சந்தித்தார் மு.க.அழகிரி.

பல மாதங்களுக்கு பிறகு முதல்வரை அவரது மூத்த சகோதரர் அழகிரி சந்தித்துப் பேசியுள்ளார். முதல்வர் ஸ்டாலினுக்கு பிறந்த நாள் வாழ்த்துக் கூறவே நேரில் சந்தித்தாக அழகிரி தரப்பு தகவல் தெரிவித்துள்ளது.

முதலில் இருவருக்கும் இடையே சற்று மோதல் இருந்த நிலையில், பல ஆண்டுகள் சந்திக்காமலேயே இருந்தனர். ஆனால், அழகிரி மகனுக்கு உடல்நிலை பாதிப்பு ஏற்பட்டபோது, முதல்வர் ஸ்டாலின் மருத்துவமனைக்கு நேரில் சென்று நலம் விசாரித்தது குறிப்பிடத்தக்கது.