EVM-ல் பட்டனுக்கு பதில் விளக்கை அழுத்திய திண்டுக்கல் சீனிவாசன்! வாக்கே விழாததால் பரபரப்பு

சென்னை: தமிழ்நாட்டில் நடைபெற்ற சட்டசபைத் தேர்தலில் திண்டுக்கல் தொகுதியில் அதிமுக சார்பில் போட்டியிட்ட வேட்பாளர் திண்டுக்கல் ஸ்ரீனிவாசன், வாக்குப்பதிவு இயந்திரத்தில் (EVM) தன் வாக்கினைப் பதிவு செய்யும் போது பொத்தானுக்கு பதிலாக விளக்கை அழுத்திய தடுமாற்ற சம்பவம் ஒன்று நிகழ்ந்தது.

தமிழகத்தில் சட்டசபைத் தேர்தலில் வாக்குப் பதிவு இன்று தொடங்கியது. இது மாலை 6 மணி வரை நடைபெறும். இந்த நிலையில் தமிழகத்தில் பகல் 1 மணி நிலவரப்படி 56.81 சதவீத வாக்குகள் பதிவாகியுள்ளன.

காலை முதலே தமிழகத்தில் வாக்குப் பதிவு விறுவிறுப்பாக நடந்து வருகிறது. முதல்வர் ஸ்டாலின், எதிர்க்கட்சித் தலைவர் எடப்பாடி பழனிசாமி, பாமக தலைவர் அன்புமணி, தேமுதிக பொதுச் செயலாளர் பிரேமலதா விஜயகாந்த், விசிக தலைவர் திருமாவளவன் உள்ளிட்டோர் தங்கள் வாக்குகளை அளித்தனர்.

அது போல் ரஜினி, அஜித், சரத்குமார், டி.ராஜேந்தர், சுந்தர் சி, சத்யராஜ், சூர்யா, சிபி, குஷ்பு, திரிஷா, ராதிகா உள்ளிட்டோர் தங்கள் வாக்குகளை பதிவு செய்தனர்.

இந்த நிலையில் திண்டுக்கல் வாக்குச்சாவடியில் வாக்களிக்கும் போது திண்டுக்கல் சீனிவாசனுக்கு குழப்பம் ஏற்பட்டது. தன் முறை வந்தபோது, சீனிவாசன் வாக்குப்பதிவு எந்திரத்தில் சின்னத்திற்கு அருகிலுள்ள பொத்தானை அழுத்துவதற்குப் பதிலாக, அதற்கு அருகிலிருந்த சிறு விளக்கை (lamp/indicator) தொட்டு அழுத்திக் கொண்டிருந்தார். இதனால் வாக்கு சரிவர பதியவில்லை.

நிலைமையை உடனடியாக கவனித்த வாக்குச்சாவடி அலுவலர், சீனிவாசனிடம் அணுகி, "விளக்கை அழுத்தாதீர்கள், அதற்கு அடியில் உள்ள பொத்தானை அழுத்துங்கள்" என்று அறிவுறுத்தினார். அலுவலரின் வழிகாட்டுதலின்படி சீனிவாசன் சரியான பொத்தானை அழுத்தி வெற்றிகரமாக வாக்களித்தார்.

இந்தச் சம்பவம் வாக்குச்சாவடியில் இருந்தவர்களிடையே நகைப்பை ஏற்படுத்தியது. வேட்பாளருக்கே வாக்கு எந்திரத்தை சரியாக இயக்க தெரியாத நிலை குறித்து சமூக வலைதளங்களில் விரைவாகப் பரவியது. "வேட்பாளருக்கே தெரியாவிட்டால், வாக்காளர்களுக்கு எப்படி தெரியும்?" என்று பலர் கேள்வி எழுப்பினர்.

இதன்மூலம் EVM குறித்த விழிப்புணர்வு அனைத்து தரப்பினருக்கும் , வேட்பாளர்கள் உட்பட வாக்காளர்களுக்கு மிகவும் அவசியம் என்று தேர்தல் ஆணையம் மீண்டும் வலியுறுத்துகிறது. தேர்தல் ஆணையம் வாக்குப்பதிவு எந்திரத்தின் சரியான பயன்பாடு குறித்து பொதுமக்களுக்கு முன்கூட்டியே பயிற்சி அளிக்க வேண்டும் என்ற கோரிக்கை மீண்டும் எழுந்துள்ளது.

English summary

In a surprising incident during the Tamil Nadu Assembly Election, AIADMK candidate Dindigul Srinivasan from Dindigul constituency accidentally pressed the light switch instead of the button on the Electronic Voting Machine (EVM) while casting his vote. The moment created brief confusion at the polling booth and quickly became a talking point during the election day proceedings.