அதிமுக அதிரடி.. உள்ளாட்சி தேர்தலுக்கான முதல்கட்ட வேட்பாளர் பட்டியல் வெளியீடு

சென்னை: உள்ளாட்சி தேர்தல் தொடர்பாக, வேட்பாளர்களின் முதல் பட்டியலை வெளியிட்டுள்ளது அதிமுக,.

தமிழகத்தில், வரும் 27 மற்றும் 30ம் தேதிகளில், 2 கட்டங்களாக, ஊரக உள்ளாட்சி தேர்தல் நடைபெறுகிறது. இதையடுத்து, அனைத்து கட்சிகளும், தேர்தலை எதிர்கொள்ள முழு வீச்சில் தயாராகி வருகின்றன.

இந்த நிலையில், ஊரக உள்ளாட்சித் தேர்தலுக்கான, முதல்கட்ட, அதிமுக வேட்பாளர் பட்டியல் வெளியிடப்பட்டுள்ளது. முதல்கட்டமாக, தேனி, கிருஷ்ணகிரி, அரியலூர், சேலம், திருவாரூர், மதுரை புறநகர் கிழக்கு, தூத்துக்குடி வடக்கு ஆகிய மாவட்டங்களுக்கு வேட்பாளர்கள் அறிவிக்கப்பட்டுள்ளனர்.

ஊரக உள்ளாட்சி தேர்தலில் போட்டியிடும் அதிமுக வேட்பாளர்களின் முதல் பட்டியல் இது என்று கூறப்படுகிறது. அதிமுகவின் அதிகாரப்பூர்வ டுவிட்டர் கணக்கில், இவ்வாறு, பட்டியல் வெளியாகியுள்ளதாக அறிவிக்கப்பட்டது. இருப்பினும் பட்டியல் குறித்த விரிவான தகவல் அதில் இடம் பெறவில்லை.

ஊரக உள்ளாட்சி தேர்தலுக்கான அஇஅதிமுக வேட்பாளர்கள் பட்டியல் வெளியீடு.

— AIADMK (@AIADMKOfficial) December 13, 2019

வழக்கமாக ஜெயலலிதா அதிமுக பொதுச்செயலாளராக இருந்த காலகட்டங்களில், எந்த தேர்தலாக இருந்தாலும், அதிமுக முதலில் வேட்பாளர் பட்டியலை வெளியிடும். இப்போது எடப்பாடி பழனிச்சாமி மற்றும், ஓ.பன்னீர் செல்வம் என இரு தலைமை இருக்கும் நிலையிலும், வேகமாக வேட்பாளர் பட்டியல் வெளியாகியுள்ளது.

அதிமுக தனது வழக்கமான பாணியில் செயல்பட்டு வரும் நிலையில், முறைப்படியாக தேர்தல் அறிவிக்கவில்லை என சட்டப் போராட்டம் நடத்தி வரும் திமுகவும், தனது வேட்பாளர் தேர்வில் தீவிரமாக ஈடுபட்டு வருவதாக தெரிகிறது.

English summary

AIADMK released first candidates list for local body election, on today.