24 வேட்பாளர்கள் ரெடி.. அமமுக லோக்சபா முதற்கட்ட வேட்பாளர் பட்டியல்.. டிடிவி தினகரன் வெளியிட்டார்!

லோக்சபா தேர்தல் மற்றும் தமிழக சட்டமன்ற இடைத்தேர்தலில் போட்டியிடும் வேட்பாளர்களின் பட்டியலை இன்று அக்கட்சியின் துணை பொதுச்செயலாளர் டிடிவி தினகரன் வெளியிடுகிறார்.

Updated: Sunday, March 17, 2019, 18:27 [IST]

Subscribe to Oneindia Tamil

அமமுக கட்சி

இந்த லோக்சபா தேர்தல் அம்மா மக்கள் முன்னேற்ற கழகம் தனித்து போட்டியிட உள்ளது. அம்மா மக்கள் முன்னேற்ற கழகத்தின் துணை பொதுச்செயலாளர் இதற்கான அறிவிப்பை வெளியிட்டு இருந்தார். பெரிய கட்சிகளுடன் கூட்டணி வைக்காமல் தேர்தலை தனியாக சந்திக்க இந்த கட்சி முடிவெடுத்து இருக்கிறது.

2 நாட்கள் ஆலோசனை

இந்த நிலையில் கடந்த இரண்டு நாட்களாக அம்மா மக்கள் முன்னேற்ற கழக கட்சி உறுப்பினர்களுடன் டிடிவி தினகரன் ஆலோசனை நடத்தி வந்தார். தேர்தலில் யாரை களமிறக்குவது என்பது தொடர்பாக ஆலோசனை நடத்தி வந்தார். லோக்சபா தேர்தல் மற்றும் தமிழக சட்டமன்ற இடைத்தேர்தலில் யாரை போட்டியிட வைப்பது என்று ஆலோசித்து வந்தார்.

நடைபெறவுள்ள 2019 நாடாளுமன்ற பொதுத்தேர்தலில், தமிழ்நாடு மற்றும் புதுச்சேரி உள்ளிட்ட 40நாடாளுமன்ற தொகுதிகளிலும் தமிழ்நாடு மற்றும் புதுச்சேரியில் நடைபெறவுள்ள சட்டமன்ற இடைத்தேர்தல்களிலும்அம்மா மக்கள் முன்னேற்றக் கழகத்தின் சார்பில் போட்டியிடவுள்ள வேட்பாளர்களின் முதற்கட்ட பட்டியல். pic.twitter.com/pKPW3dHvdP
— TTV Dhinakaran (@TTVDhinakaran) March 17, 2019

பட்டியல்

இதையடுத்து தற்போது லோக்சபா தேர்தலுக்கான வேட்பாளர்களின் பட்டியல் தயார் செய்யப்பட்டுள்ளது. பல்வேறு கட்ட ஆலோசனைகளுக்கு பிறகு, பெங்களூர் சிறையில் இருக்கும் உறவினர் சசிகலாவை சந்தித்து ஆலோசித்த பிறகு இந்த முடிவை டிடிவி தினகரன் எடுத்துள்ளார். தற்போது அமமுக சார்பில் மக்களவை தேர்தலில் போட்டியிடும் வேட்பாளர்களின் பட்டியல் வெளியிடப்பட்டது. அமமுக துணை பொதுச்செயலாளர் டிடிவி தினகரன் பட்டியலை வெளியிட்டார்.