"சம்மட்டி அடி" அன்புமணி.. "உனக்கென்னப்பா? ஊட்டிக்கு தனியா போவே?" திமுக நக்கலடிக்க, பின்னாலயே அதிமுக

சென்னை: அதிமுகவுடனேயே பாமக கூட்டணி வைக்கும் என்று பெரிதும் எதிர்பார்க்கப்பட்டு வந்த நிலையில், பாமக - பாஜக கூட்டணி முடிவாகி உள்ளது. இது அரசியல் தளத்தில் மிகுந்த பரபரப்பை ஏற்படுத்தி வருகிறது. இதை திமுகவும் கிண்டலடித்து வருகிறது.

தமிழகத்தின் வடமாவட்டங்களில் கணிசமான வாக்கு வங்கியை பாமக வைத்திருக்கிறது.. எனவேதான், பாமகவை தங்கள் கூட்டணிக்குள் கொண்டு வர அதிமுகவும், பாஜகவும் சமீப நாட்களாகவே முயற்சித்து வந்தனர்.. அதிமுக தரப்பில், பாமகவுடன் பேச்சுவார்த்தை நடத்தியதுடன், 7 + 1 சீட்கள் வரைகொடுப்பதாக உறுதி அளித்தனர்.

அன்புமணி: அதேபோல, பாஜக தரப்பும் அன்புமணியிடம் பேச்சுவார்த்தை நடத்தி வந்தது.. இறுதியில் 10 + 1 சீட்கள் வரையும், ஆட்சி அமைந்ததுமே, மத்திய அமைச்சர் பதவியும் தருவதாக உறுதி தந்தனர்.. இதனால் யாருடன் பாமக கூட்டணி வைக்கும் என்ற எதிர்பார்ப்புகள் ஒவ்வொரு நாளும் எழுந்தபடியே இருந்தன.. இறுதியில் பாஜக - பாமக இடையே கூட்டணி ஒப்பந்தம் கையெழுத்தாகியுள்ளது.

பாமக திடீரென பாஜகவுடன் இணைந்துள்ளது பலருக்கும் அதிர்ச்சியை தந்து வருகிறது.. தொடர் தோல்விகளால் மாம்பழ சின்னத்தை தக்கவைக்க வேண்டிய கட்டாயத்தில் பாமக உள்ளது..

நழுவவிட்ட அதிமுக: அதுமட்டுமல்ல, கூட்டணியில் 10 தொகுதியில் போட்டியிடுவதால் குறைந்தது 1 சதவீதம் வாக்கு வாங்கினால் சின்னத்தை தக்கவைக்க முடியும் என்றும் கணக்கு போடுகிறது. இதை மனதில் வைத்தே பாஜகவுடன் கூட்டணி வைத்திருக்கலாம் என்றும் சொல்லப்படுகிறது.. எப்படி பார்த்தாலும் பாமகவை நழுவவிட்டது அதிமுகவுக்கு பின்னடைவாகவே பார்க்கப்பட்டு வருகிறது.

இதைதான் திமுக கிண்டல் செய்தது.. திமுக ஐ.டி. பிரிவு எக்ஸ் பக்கத்தில் அதிமுக-வை கிண்டல் செய்யும் வகையில், "ஊட்டிக்கு தனியாதான் போகனும் போல"... என எடப்பாடி பழனிசாமி வீட்டின் படத்தை வெளியிட்டு பதிவிட்டிருந்தது.

அமைதிப்படை: அதாவது சத்யராஜ் நடித்துள்ள அமைதிப்படை படத்தில், சத்யராஜ் சட்டமன்ற தேர்தலில் போட்டியிடுவார். வாக்கு எண்ணிக்கையின்போது, அவரது வாக்கு வித்தியாசத்தில் அதிகரிக்க அதிரிக்க, மணிவண்ணனின் சின்னவீடு, அப்படியோ சத்யராஜ் பக்கம் மெல்ல சாய்ந்துவிடுவார். அந்த நேரத்தில், மணிவண்ணன் இந்த வசனத்தைதான் பேசுவார். இதைத்தான் நக்கலாக திமுக பதிவிட்டிருந்தது.

திமுக இப்படி கிண்டல் செய்ததற்கு, அதிமுக தற்போது பதிலடி தந்துள்ளது.. "உனக்கென்னப்பா... நீ ஜாபர் சாதிக்கை கூட கட்சியில சேர்த்துட்டு Private Jet ல போவ.

நாங்க அப்படியா? தமிழ்நாட்டு நலன் பத்தி சிந்திக்கிற கட்சிகளுடனும் மக்களுடனும் கூட்டணி வெச்சிருக்கோம்.

ஊட்டி என்ன? கும்மிடிப்பூண்டில இருந்து குமரி வரைக்கும் எல்லா ஊருக்கும் போவோம்- ஸ்டைலா கெத்தா! ?️" என பதிலடி கொடுத்துள்ளது..

கிண்டல்: ஆக, பாமக - பாஜக கூட்டணி + அமைதிப்படை சத்யராஜ் காமெடி என சோஷியல் மீடியாவில் அரசியல் கட்சிகள் ஒருவருக்கொருவர் கிண்டலடித்து கொள்கிறார்கள்..!

English summary

Manivannan Sathyaraj Comedy scene with Ooty and DMK IT wing has criticized PMK BJP alliance, what happened