அப்படியே "வாத்தியார்" மாதிரியே.. அசரடிக்கும் "எம்ஜிஆர்" அரவிந்த்சாமி!.. ஆமா பக்கத்துல யாரு அவரு?

சென்னை: ஜெயலலிதாவின் வாழ்க்கையை மையப்படுத்தி எடுக்கப்பட்டு வரும் தலைவி திரைப்படத்தின் புகைப்படங்கள் இன்று வெளியாகியுள்ளன. அதிலும் எம்ஜிஆர் கெட்டப்பில் அரவிந்த்சாமியின் புகைப்படங்களை பார்க்கும் போது அச்சு அசலாக எம்ஜிஆரை போலவே இருப்பதால் ரசிகர்கள் கொண்டாடி வருகிறார்கள்.

முன்னாள் முதல்வர் ஜெயலலிதா கடந்த 2016-ஆம் ஆண்டு காலமானார். அவரது வாழ்க்கை வரலாற்றைச் சித்தரிக்கும் வகையில் தமிழ், இந்தி, மொழிகளில் தலைவி என்ற திரைப்படம் தயாரிக்கப்படுகிறது.

இந்த திரைப்படத்தில் ஜெயலலிதாவாக பாலிவுட் நடிகை கங்கனா ரனாவத் நடிக்கிறார். ஏ எல் விஜய் இயக்கி வரும் இந்த கதையை ராஜமவுலியின் தந்தை கே வி விஜயேந்திர பிரசாத் எழுதியுள்ளார். விஷ்ணுவர்தன் இந்தூரி, சைலேஷ் ஆர் சிங் ஆகியோர் தயாரிக்கிறார்கள்.

அரவிந்த்சாமி புகைப்படங்கள்

கொரோனா ஊரடங்கால் நிறுத்தப்பட்டிருந்த இந்த படத்தின் படப்பிடிப்புகள் தற்போது தொடங்கியுள்ளன. இந்த நிலையில் எம்ஜிஆரின் நினைவு நாளான இன்று அந்த படத்தில் எம்ஜிஆர் வேடம் ஏற்று நடிக்கும் அரவிந்த்சாமியின் புகைப்படங்கள் வெளியாகியுள்ளன.

எம்ஜிஆர் கெட்டப்

எம்ஜிஆர் கெட்டப்பில் வெள்ளை குல்லா அணிந்து கொண்டு பள்ளி மாணவர்களுடன் அரவிந்த்சாமி சத்துணவு சாப்பிடும் காட்சிகள் பார்ப்பதற்கு அச்சு அசலாக எம்ஜிஆர் மாதிரி இருக்கிறது. தற்போது இன்னும் 5 மாதங்களில் தமிழகத்தில் தேர்தல் நடைபெறவுள்ள நிலையில் எம்ஜிஆர் போல் உள்ள அரவிந்த்சாமியை இரு தரப்பு ரசிகர்கள் கொண்டாடி வருகிறார்கள்.

ஆர் எம் வீரப்பன்

அது போல் அரவிந்த்சாமியுடன் சமுத்திரகனியும் நடித்திருக்கிறார். அவர் அந்த படத்தில் ஆர் எம் வீரப்பன் கெட்டப்பில் நடித்திருக்கிறார். மேலும் அரவிந்த்சாமி கட்டம் போட்ட பேண்ட் போட்டு கொண்டு கருப்பு கண்ணாடியுடன் கைகளை கூப்பி வணக்கம் தெரிவிக்கும் படங்கள் கடந்த ஜனவரியில் வெளியானது.

ஏ எல் விஜய்

அது போல் சிவப்பு நிறத்தில் முழு கை சட்டை அணிந்து கொண்டு அப்படியே எங்க வீட்டு பிள்ளை எம்ஜிஆர் போன்ற கெட்டப்பும் அருமையாக உள்ளது. இதுகுறித்து அரவிந்த்சாமி ட்விட்டரில், புரட்சித் தலைவர் எம்ஜிஆர் கெட்டப்பில் நடித்தது எனக்கு கவுரவம் மட்டுமில்லை, பெரிய பொறுப்பும் உள்ளது. இதற்காக இயக்குநர் ஏஎல் விஜய்க்கு நன்றி கூறிக் கொள்கிறேன் என்றார்.

English summary

Actor Arvindsami acted as MGR in Thalaivi, Jayalalitha's biopic film.