எழுத்தாளர் யெஸ்.பாலபாரதிக்கு பால சாகித்ய புரஸ்கார் விருது அறிவிப்பு

Updated: Saturday, September 4, 2021, 9:28 [IST]

Subscribe to Oneindia Tamil

சென்னை: எழுத்தாளர் யெஸ்.பாலபாரதிக்கு பால சாகித்ய புரஸ்கார் விருது அறிவிக்கப்பட்டுள்ளது. 'மரப்பாச்சி சொன்ன ரகசியம்' என்ற நூலுக்காக விருது அறிவிக்கப்பட்டுள்ளது.

பால சாகித்ய புரஸ்கார் விருதும், 50 ஆயிரம் பரிசு தொகை மற்றும் சான்றிதழ் எழுத்தாளர் யெஸ்.பாலபாரதிக்கு வழங்கப்பட உள்ளது.

bala sahitya puraskar award winner yes balabharathi

குழந்தை இலக்கியத்திற்காக மத்திய அரசால் அளிக்கப்படும் சாகித்ய அகடாமி விருதுதான் பால சாகித்ய புரஸ்கார் விருது. 2020ம் ஆண்டுக்கான இந்த விருது தமிழ்மொழி பிரிவில் எஸ் பாலபாரதிக்கு வழங்கப்பட்டுள்ளது.

இதனிடையே பத்திரிகையாளர், எழுத்தாளர் யெஸ்.பாலபாரதிக்கு சாகித்ய அகாதமியின் பால சாகித்ய புரஸ்கார் விருது கிடைத்திருப்பதற்கு சென்னை பத்திரிகையாளர் மன்றம் வாழ்த்து தெரிவித்துள்ளது.

குழந்தைகள் நலனில் மிகுந்த அக்கறை கொண்ட பத்திரிகையாளர் மற்றும் எழுத்தாளர் , நமது மன்றத்தின் உறுப்பினர் யெஸ். பாலபாரதி எழுதிய மரப்பாச்சி சொன்ன ரகசியம் நூலுக்கு சாகித்ய அகாதமியின் பால சாகித்ய புரஸ்கார் விருது கிடைத்துள்ளது.

குழந்தை இலக்கியத்திற்காக அளிக்கப்படும் இந்த சாகித்ய அகாதமி விருது , நம்முடைய பத்திரிகையாளர் பாலபாரதிக்கு கிடைத்துள்ளது பெரும் மகிழ்ச்சியை தருகிறது. பத்திரிகையாளர் யெஸ். பாலபாரதிக்கு சென்னை பத்திரிகையாளர் மன்றம் நெஞ்சார்ந்த நல்வாழ்த்துகளையும் பாராட்டுகளையும் தெரிவித்துக் கொள்கிறது என்று சென்னை பத்திரிக்கையாளர் மன்றம் வாழ்த்தியுள்ளது.

இந்த விருது குறித்து ஒன் இந்தியா தமிழிடம் பேசிய எழுத்தாளர் எஸ். பாலபாரதி, “குழந்தைகளுக்கு எதிரான பாலியல் சுரண்டலை தடுப்பதற்காக நான் எழுதிய மரப்பாச்சி பொம்மை நூலுக்கு பால சாகித்ய புரஸ்கார் விருது அறிவிக்கப்பட்டு இருப்பது மிகுந்த மகிழ்ச்சி அளிக்கிறது. குழந்தை தன்னை சுற்றி நடக்கும் பாலியல் அத்துமீறல்களை கண்டு பயப்படாமல் அதை வெளியில் உடனே கத்தி சொல்ல வேண்டும் என்பதை மரப்பாச்சி பொம்மை சொல்லிக்கொடுக்கும்.

பாலியல் அத்துமீறல்களில் இருந்து தற்காத்து கொள்வதுடன், வெளியில் சொல்லி அவர்களை தண்டிக்க வைக்க முடியும் என்பதை மரப்பாச்சி பொம்மை நூலில் கூறியுள்ளேன். இந்த நூல் முதல் பதிப்பு விற்று தீர்ந்து மீண்டும் மறுமதிப்பு வெளியிடப்பட்டது. மரப்பாச்சி பொம்மை நூல் பல மொழிகளில் மொழிபெயர்க்கப்பட்டால் குழந்தைகளுக்கு எதிரான அநீதி தடுக்கப்படும்” என்று தெரிவித்தார்.