Just In

"ஸ" ஆரியம்.. "ஸ்"டாலின் என்றால் திராவிடம்.. ஆஹா புதிய அகராதி.. எஸ்.ஆர். சேகர் கிண்டல்

Updated: Wednesday, May 18, 2022, 1:03 [IST]

சென்னை: ஸ என்றால் ஆரியம் , ஸ்டாலினில் வரும் ஸ் என்றால்... புதிய அகராதி என பாஜக பொருளாளர் எஸ் ஆர் சேகர் ட்வீட் போட்டுள்ளார்.

தமிழ்த்தாயின் படத்தை வெளியிட்ட ஏ.ஆர்.ரஹ்மான் அதில் தமிழணங்கு என குறிப்பிட்டிருந்தார். இந்தி திணிப்பை மத்திய அரசு கொண்டு வரும் போதெல்லாம் தமிழணங்கு படத்தை வைத்து பலர் பதிலடி கொடுத்து வந்தனர்.

எல்லாரையும் போல் இந்தி திணிப்பை ஒப்புக் கொள்ள மாட்டோம் என தமிழக பாஜகவும் தெரிவித்தது. இந்த நிலையில் கடந்த இரு தினங்களுக்கு முன்னர எத்திசையும் புகழ்மணக்க இருந்த பெரும் தமிழணங்கே என கூறி தமிழக பாஜக தலைவர் ஒரு ட்வீட்டை போட்டிருந்தார்.

இது சும்மா ட்ரெய்லர் தான்! நாளைக்கு பாருங்க எங்க கூட்டத்தை! பஞ்சாப் அரசை கதிகலங்க வைத்த விவசாயிகள்.! இது சும்மா ட்ரெய்லர் தான்! நாளைக்கு பாருங்க எங்க கூட்டத்தை! பஞ்சாப் அரசை கதிகலங்க வைத்த விவசாயிகள்.!

காவி பின்புலம்

அதில் அவர் காவி பின்புலத்தில் தமிழன்னையின் படத்தை வரைந்து அதை சுற்றி தமிழ் எழுத்துகளை எழுதியிருந்தார். இதில் வட எழுத்தான ஸ மறைந்திருப்பதை அமைச்சர் தங்கம் தென்னரசு கண்டுபிடித்து அதை வட்டமிட்டு காட்டினார். மேலும் அவர் தனது ட்விட்டரில் கூறுகையில் தமிழணங்கைப் போற்றுகிறோம் என்ற போர்வையில் தமிழ் எழுத்துகளுடன் ஸ வையும் இணைத்துப் படம் போடும் போதே உங்களின் கூப்பிய கரங்களுக்குள் மறைத்து வைத்திருக்கும் கூர்வாள் தன் உண்மை முகத்தைக் காட்டிவிட்டது.

வள்ளுவர் அடையாளம்

இதைத்தான் "தொழுத கையுள்ளும் படை ஒடுங்கும்" என வள்ளுவர் அடையாளம் காட்டிப் போனார் என குறிப்பிட்டுள்ளார். இதற்கு பாஜக தலைவர் அண்ணாமலை பதிலளிக்கையில் தமிழகத்தின் தொழில்துறை அமைச்சர் நாங்கள் வெளியிட்ட தமிழன்னையின் படத்தில் உள்ள "ஸ" என்ற எழுத்தைக் கண்டெடுத்து விமர்சித்ததாக அறிகிறேன்.

அண்ணாமலை ட்வீட்

"தமிழ் தமிழ்" என்று முழக்கமிடும் தமிழக முதல்வரின் பெயரில் உள்ள முதல் எழுத்தை வைத்தமைக்கு திமுகவினர் எதிர்ப்பு தெரிவிப்பது வியப்பாக உள்ளது! "ஸ"வை நீக்கி அதற்கு மாற்று எழுத்தைக் கண்டுபிடிக்கத் தமிழக அரசு உடனடியாக ஒரு குழு அமைக்க வேண்டும். அதுவரை ஸ்டாலின் என்ற பெயர் எவ்வாறு அழைக்கப்பட வேண்டும் என்று தொழில்துறை அமைச்சர் மக்களுக்கு அறிவுரைக்க வேண்டும் என்று பணிவன்புடன் கேட்டுக் கொள்கிறோம்! என குறிப்பிட்டிருந்தார்.

ஸ்டாலின் காரண பெயர்

இதற்கு நெட்டிசன்கள் பலர் ஸ்டாலினின் பெயர் காரண பெயர் என்பது பல்வேறு தருணங்களில் விளக்கயாகிவிட்டது. அவரது பெயர் தமிழ் பெயர் இல்லை என நெட்டிசன்களும் திமுகவினரும் பாஜக அண்ணாமலைக்கு பதிலடி கொடுத்தனர். இவ்வாறாக இந்த விவாதம் ஓடி கொண்டிருக்கிறது.