பொன்னார் சொன்னது போலவே... கன்னியாகுமரி மாவட்டத்தில் 4 தொகுதிகளை பெறுகிறதோ பாஜக?

சென்னை: கன்னியாகுமரி மாவட்டத்தில் அதிமுக கூட்டணியில் பாஜக 4 தொகுதிகளில் போட்டியிடக் கூடும் என்கிறது உத்தேசபட்டியல்.

அதிமுக கூட்டணி தொகுதி பங்கீடு, வேட்பாளர் விவரம் தொடர்பான உத்தேச பட்டியல் ஒன்று வலம் வருகிறது. இதில் பாஜகவுக்கு 20 தொகுதிகள் ஒதுக்கீடு செய்யப்பட்டுள்ளதாம்.

பாஜக போட்டியிடக் கூடிய 20 தொகுதிகள்: சேப்பாக்கம் திருவல்லிக்கேணி; ஆயிரம் விளக்கு; திருவண்ணாமலை; திருவையாறு; திருவாரூர்; ராஜபாளையம்; திருநெல்வேலி, திருச்செந்தூர், பத்மநாபபுரம், குளச்சல், கிள்ளியூர், விளவங்கோடு, பழனி, ராசிபுரம்(தனி), ஒட்டன்சத்திரம், வேப்பனஹள்ளி., தளி, கோவை வடக்கு, சிங்காநல்லூர், உதகை,

இதில் பத்மநாபபுரம், குளச்சல், கிள்ளியூர், விளவங்கோடு தொகுதிகள் கன்னியாகுமரி மாவட்டத்தை சேர்ந்தவை. கன்னியாகுமரி மாவட்டத்தில் 6 தொகுதிகளையும் பாஜக கேட்டுப் பொறும் என முன்னாள் மத்திய இணை அமைச்சர் பொன். ராதாகிருஷ்ணன் கூறிவந்தார்.

தற்போது 4 தொகுதிகள் வரை பாஜக பெறக் கூடும் என்கிறது உத்தேச பட்டியல். இதில் பத்மநாபபுரம் தொகுதியில் 1996-ல் பாஜகவின் வேலாயுதம் வெற்றி பெற்றிருக்கிறார். 1977-ல் ஜனதா கட்சி, 1980-ல் ஜனதா (ஜேபி), 1984-ல் சுயேட்சை, 1989-ல் சிபிஎம், 1991-ல் அதிமுக, 1996-ல் பாஜக, 2001-ல் அதிமுக, 2006, 2011, 2016-ல் திமுக வெற்றி பெற்ற தொகுதி இது.

காங்கிரஸ் கட்சியின் கோட்டை குளச்சல் தொகுதி. 5 முறை காங்கிரஸும், திமுக, அதிமுக ஆகியவை தலா 2 முறையும் வென்ற தொகுதி இது.

கிள்ளியூர் தொகுதியும் காங்கிரஸ் கோட்டைகளில் ஒன்றுதான். ஜனதா கட்சியின் பொன் விஜயராகவன், தமாகா குமாரதாஸ், காங்கிரஸ் ஜேக்கப் ஆகியோர் இங்கு வென்றவர்கள்.

விளவங்கோடு தொகுதி சிபிஎம், காங்கிரஸ் செல்வாக்கு பெற்ற தொகுதி. 2011, 2016-ல் காங்கிரஸின் விஜயதரணி வெற்றி பெற்றார். அதற்கு முன்னர் 3 முறை சிபிஎம் வென்றது. 1984 முதல் 1991 வரையிலான 3 தேர்தல்களில் காங்கிரஸ் வென்ற தொகுதி இது. 1977, 1980-ல் சிபிஎம் வென்ற தொகுதி.

English summary

Unconfirmed reports said that BJP may contest in 4 constituencies in Kanyakumari Dist.