CBSE +2 results: Postpone- ஆகும் சிபிஎஸ்இ பிளஸ் 2 தேர்வு முடிவுகள்? புதிய நடைமுறையால் மாணவர்கள் கவலை

சென்னை: சிபிஎஸ்இ 12 ஆம் வகுப்பு தேர்வு முடிவுகள், இந்த மாதம் 3 ஆவது வாரத்திற்குள் வெளியாகும் என எதிர்பார்க்கப்படுகிறது. மே முதல் வாரத்தில் வெளியாகும் என சொல்லப்பட்ட நிலையில் தற்போது மே 3ஆவது வாரம் என சொல்லப்படுவது மாணவர்களை பதைபதைக்க வைக்கிறது.

2026-ஆம் கல்வியாண்டிற்கான 12-ஆம் வகுப்புத் தேர்வுகள் பிப்ரவரி 17-ஆம் தேதி தொடங்கி ஏப்ரல் 10-ஆம் தேதி வரை நடைபெற்றன. காலை 10:30 மணிக்குத் தொடங்கி ஒற்றை ஷிப்ட்டில் தேர்வுகள் நடத்தப்பட்டன. மாணவர்களுக்கு வினாத்தாளை வாசிக்கவும், விடையளிக்கவும் மொத்தம் 3 மணி 15 நிமிடங்கள் ஒதுக்கப்பட்டன.

இந்த ஆண்டு சிபிஎஸ்இ ஒரு முக்கிய மாற்றத்தை அறிமுகப்படுத்தியுள்ளது. விடைத்தாள்களை மதிப்பீடு செய்ய முதன்முறையாக 'திரைவழி மதிப்பீட்டு முறை' (On-Screen Marking System) பயன்படுத்தப்பட்டுள்ளது. இது முடிவுகளை விரைவாகவும் பிழையின்றியும் வெளியிட உதவும் என எதிர்பார்க்கப்படுகிறது.

மாணவர்கள் தேர்ச்சி பெற Theory, செய்முறைத் தேர்வு (Practical) மற்றும் மொத்த மதிப்பெண்கள் என அனைத்திலும் தலா 33% மதிப்பெண்களைக் கட்டாயம் பெற்றிருக்க வேண்டும்.

துணைத் தேர்வு: ஒன்று அல்லது இரண்டு பாடங்களில் தோல்வியடைபவர்களுக்குத் துணைத் தேர்வு எழுத வாய்ப்பு வழங்கப்படும்.

இரண்டுக்கும் மேற்பட்ட பாடங்களில் தோல்வியுற்ற மாணவர்கள், முழு கல்வி ஆண்டையும் மீண்டும் படிக்க வேண்டிய சூழல் ஏற்படும்.

கடந்த ஆண்டு மே 13-ஆம் தேதி 12-ஆம் வகுப்பு முடிவுகள் அறிவிக்கப்பட்டன. கடந்த முறையும் மாணவர்களை விட மாணவிகளே அதிக தேர்ச்சி விகிதத்தைப் பதிவு செய்தனர். (மாணவிகள்: 91.64%, மாணவர்கள்: 85.70%).

மொத்த தேர்ச்சி: ஒட்டுமொத்தமாக 88.39% மாணவர்கள் தேர்ச்சி பெற்றனர்.

மண்டல வாரியாக: மண்டல அளவில் விஜயவாடா 99.60% தேர்ச்சியுடன் முதலிடத்தைப் பிடித்தது. பிரயாகராஜ் 79.53% தேர்ச்சியுடன் கடைசி இடத்தைப் பிடித்திருந்தது குறிப்பிடத்தக்கது.

தற்போது 10-ஆம் வகுப்பு முடிவுகள் வெளியாகிவிட்ட நிலையில், 12-ஆம் வகுப்பு மாணவர்கள் தங்கள் உயர்கல்விச் சேர்க்கைக்காக இந்த முடிவுகளை ஆவலுடன் எதிர்பார்த்துக் காத்திருக்கின்றனர்.

தேர்வு முடிவுகள் வெளியானவுடன், மாணவர்கள் கீழ்க்கண்ட தளங்கள் மற்றும் செயலிகள் மூலம் தங்கள் மதிப்பெண்களைப் பதிவிறக்கம் செய்து கொள்ளலாம்:

இணையதளம்

results.cbse.nic.incbseresults.nic.incbse.gov.in

செயலிகள்: உமங் (UMANG) செயலி மற்றும் டிஜிலாக்கர் (DigiLocker) ஆகியவற்றில் பார்த்துக் கொள்ளலாம்.

IVRS: தொலைபேசி அழைப்பு (Interactive Voice Response System) மூலமாகவும் முடிவுகளை அறியலாம்.

SMS வசதி: உங்கள் மொபைலில் 'cbse12 [roll number]' எனத் தட்டச்சு செய்து 7738299899 என்ற எண்ணுக்கு குறுஞ்செய்தி அனுப்பினால், முடிவுகள் உங்கள் எண்ணிற்கே வந்து சேரும்.

English summary

The CBSE Class 12 exam results are now expected to be released by the third week of May, instead of the earlier anticipated first week. The revised timeline has increased anxiety among students eagerly waiting for their results.