Time to Lead போஸ்! "மக்கள் நினைக்காமல் மாற்றம் நடக்காது!" ஜனநாயகன் பாடல் Decodeஐ ஆரம்பித்த ரசிகர்கள்

சென்னை: நடிகர் விஜய்யின் கடைசி திரைப்படமான ஜனநாயகன் படத்தின் 2வது சிங்கிள் இப்போது வெளியாகியுள்ளது. "ஒரு பெயரே வரலாறு.." எனத் தொடங்கும் இந்தப் பாடலை அனிருத் இசையமைக்க விவேக் எழுதியிருக்கிறார். பாடல் வெளியான கொஞ்ச நேரத்திலேயே இதை நெட்டிசன்கள் டிரெண்ட் செய்ய ஆரம்பித்த நிலையில், இன்னொரு பக்கம் பாடலையும் டீகோட் செய்து வருகிறார்கள்.

நடிகர் விஜய் அரசியலில் நுழைந்துவிட்டார். 2026 சட்டசபைத் தேர்தலில் அவர் போட்டியிட இருக்கிறார். இதற்காக அவர் தீவிரப் பிரச்சாரத்தில் இறங்கியுள்ளார். அரசியலுக்கு வந்துவிட்டதால் அவர் நடிப்பிற்கு முழுமையாக முழுக்க போட இருக்கிறார். கடைசி படமாக அவர் ஹெச் வினோத் இயக்கத்தில் "ஜனநாயகன்" என்ற படத்தில் நடித்துள்ளார். இந்தப் படம் அடுத்தாண்டு பொங்கலுக்கு ரிலீசாகிறது.

விஜய் பாடல்

பட ரிலீஸுக்கு ஒரு மாதம் மட்டுமே இருக்கும் நிலையில், ஷூட்டிங் முழுமையாக முடிந்துவிட்டது. படத்தின் இறுதிக்கட்டப் பணிகள் ஒரு பக்கம் நடைபெற்று வரும் சூழலில், புரோஷமன் வேலைகளையும் படக்குழுவினர் ஆரம்பித்துள்ளனர். விஜய்யின் கடைசி படமாக இது இருக்கும் என அறிவிக்கப்பட்டுள்ளதால்.. படத்தின் மீதான எதிர்பார்ப்பு பல மடங்கு அதிகரித்துள்ளது.

இந்தப் படத்தின் முதல் சிங்கிளான தளபதி கச்சேரி பாடல் ரிலீசாகி மக்களிடையே நல்ல வரவேற்பைப் பெற்றது. இந்தச் சூழலில் தான் படத்தின் 2வது சிங்கிள் இன்று வெளியாகும் என அறிவிக்கப்பட்டிருந்தது. அதன்படி "ஒரு பெயரே வரலாறு" என்ற பாடல் இன்று மாலை வெளியானது. பாடல் வெளியான உடனேயே இதை நேரத்திலேயே இந்தப் பாடலை செல்நெறி செய்ய ஆரம்பித்தனர்.

டிகோட்

மேலும், வழக்கம் போல நெட்டிசன்கள் இந்த பாடலின் டீகோடையும் ஆரம்பித்தனர். ட்விட்டர் முழுக்கவே ஒரு பெயரே வரலாறு பாடலின் டீகோட் தான் முழுக்க முழுக்க நிரம்பி இருக்கிறது. விஜய்யின் டான்ஸ் கொஞ்சம், நிறைய அனிமேஷன் என சேர்ந்து வந்துள்ள இந்தப் பாடலைப் பிரித்துப் பிரித்து ஒவ்வொரு அர்த்தத்தைக் கண்டுபிடித்து வருகிறார்கள்.

மக்கள் நினைக்காமல்

இந்த பாடல் தொடக்கமே.. "ஒரு பெயரே வரலாறு.. அழிச்சாலும் அழியாது.. அவன் தானே ஜனநாயகன்.. நம்ம மக்கள் நினைக்காமல்.. ஒரு மாற்றம் நடக்காது.. தர வந்தான் தரமானவன்" என்று வருகிறது. மக்கள் ஏற்கனவே நினைத்துவிட்டனர்.. மாற்றம் 2026ல் ரெடியாகிவிட்டது என்றும் விஜய் ரசிகர்கள் உணர்ச்சி பொங்க ட்வீட்களை தெறிக்கவிட்டு வருகிறார்கள். மேலும், "ஊரே காணாத மக்கள் மன்னர் பிறந்தாரு.. தமிழ் மண்ணின் தரமானவன்" என்ற லைனையும் குறிப்பிடும் ரசிகர்கள், விஜய் மன்னராக உருவெடுக்கச் சில மாதங்களே இருப்பதாகவும் சொல்லி ட்வீட் செய்து வருகிறார்கள்.

டைம் டு லீட்

மேலும், இந்த பாடலில் ஒரு குறிப்பிட்ட இடத்தில் தலைவா படத்தின் போஸும் இடம் பெற்று இருக்கிறது. தலைவா படம் தான் விஜய் அரசியல் தொடர்பாக நடித்த முதல் படம். அதில் வரும் Time to lead என்ற ஒற்றை வாசகத்திற்காகவே அந்தப் படம் ஏகப்பட்ட சிக்கல்களைச் சந்திருந்தது. அந்தப் படத்தின் போஸ் கூட இதில் இடம்பெற்று இருக்கிறது.

மேலும், இடத்தில் ஒரு போர்ஷனில் விஜய் கலக்கலாக டான்ஸ் ஆடியிருப்பார். வெள்ளை சட்டை, அட்டகாசமான கூலிங் கிளாஸுடன் விஜய் போடும் டான்ஸ் வேற லெவல் என விஜய் ரசிகர்கள் கொண்டாடுகிறார்கள். மேலும், இந்த 20 நொடி வீடியோவும் சோஷியல் மீடியாவை தெறிக்க விடுகிறது. இப்படி பார்ட் பார்ட்டாக விஜய் ரசிகர்கள் டிரெண்டாக்கும் இந்தப் பாடல் பற்றி நீங்க என்ன நினைக்கறீங்க.!

English summary

Vijay jana nayagan second single oru pere varalaru song decoded (விஜய்யின் ஜனநாயகன் பாடல் விளக்கம்): Netizens are trending Vijay oru pere varalaru song.