நம்ம சென்னையா இது? வாக்குப்பதிவில் அடித்து தூக்கிய 16 தொகுதிகள்.. யாருமே எதிர்பார்க்காத ட்விஸ்ட்

சென்னை: தமிழ்நாட்டில் இன்று சட்டசபை தேர்தல் நடந்து முடிந்தது. சென்னையில் எப்போதும் குறைந்த அளவில் வாக்குகள் பதிவாகும். ஆனால் இன்று வழக்கத்துக்கு மாறாக சென்னையில் 83.21 சதவீதத்துக்கும் அதிகமாக வாக்குகள் பதிவாகி உள்ளது.

தமிழகத்தின் தலைநகரான சென்னையில் எப்போதும் வாக்குப்பதிவுகள் குறைவாகவே இருக்கும். சட்டசபை தேர்தல், நாடாளுமன்ற தேர்தல் என இரண்டிலும் வாக்குகள் குறைந்த அளவில் மட்டுமே பதிவாகும். ஆனால் இந்த முறை வழக்கத்துக்கு மாறாக சென்னையில் அதிகப்படியாக வாக்குகள் பதிவாகி உள்ளது.

சென்னையில் மொத்தம் 16 சட்டசபை தொகுதிகள் உள்ளன. மாலை 6 மணி நிலவரப்படி சென்னையில் 83.21 சதவீதத்துக்கும் அதிகமாக வாக்குகள் பதிவாகி உள்ளது. தொகுதி வாரியாக பார்த்தால் ஆர்கே நகரில் அதிகபட்சமாக 90.50 சதவீத வாக்குகள் பதிவாகி உள்ளது. இதற்கு அடுத்தப்படியாக 2வது இடத்தில் விஜய் போட்டியிடும் பெரம்பூர் தொகுதியில் 89.79 சதவீத வாக்குகள் பதிவாகி உள்ளது. குறைந்தபட்சம் என்றால் மயிலாப்பூர் தொகுதியில் 74.88 சதவீத வாக்குகள் பதிவாகி உள்ளது. தொகுதி வாரியாக எந்தெந்தெந்த இடங்களில் எவ்வளவு வாக்குகள் பதிவாகி உள்ளது? என்ற விவரம் பின்வருமாறு:

ஆர்கே நகர் - 90.50 சதவீதம்
பெரம்பூர் - 89.79 சதவீதம்
கொளத்தூர் - 86.11 சதவீதம்
வில்லிவாக்கம் - 86 சதவீதம்
திருவிக நகர் - 78.70 சதவீதம்
எழும்பூர் - 85.55 சதவீதம்
ராயபுரம் - 79.34 சதவீதம்
துறைமுகம் - 82.75 சதவீதம்
சேப்பாக்கம் - திருவல்லிக்கேணி - 84.34 சதவீதம்
ஆயிரம் விளக்கு - 83.09 சதவீதம்
அண்ணா நகர் - 85.64 சதவீதம்
விருகம்பாக்கம் - 85.49 சதவீதம்
சைதாப்பேட்டை - 77.84 சதவீதம்
தியாகராயநகர் - 83.55 சதவீதம்
மயிலாப்பூர் - 74.88 சதவீதம்
வேளச்சேரி - 84.50 சதவீதம்

கடந்த 2021 சட்டசபை தேர்தலில் சென்னையில் 56.59 சதவீத வாக்குகள் மட்டும் தான் பதிவாகி இருந்தது. அப்போது மொத்தம் 59 லட்சம் வாக்காளர்கள் இருந்தனர். ஆனால் தற்போது 'சார்' எனும் வாக்காளர் பட்டியல் திருத்த நடவடிக்கையால் வாக்காளர்களின் எண்ணிக்கை 27 லட்சமாக குறைக்கப்பட்டது. இதனால் சென்னையில் வாக்குப்பதிவு அதிகரித்துள்ளது.

English summary

Chennai Assembly Constituencies Vote Percentage 2026: Tamil Nadu Assembly election 2026 concluded today. Chennai typically records a low voter turnout; however, contrary to the usual trend, more than 83.21 percent of votes were cast in Chennai today.