தலைநகரில் 14 லட்சம் வாக்காளர்கள் நீக்கம்.. சென்னையின் 16 தொகுதிகளில் நீக்கப்பட்ட வாக்காளர் எண்ணிக்கை

சென்னை: சென்னை மாவட்டத்திற்கான வரைவு வாக்காளர் பட்டியலை தேர்தல் ஆணையம் வெளியிட்டுள்ளது. அதில், அதிகபட்சமாக வேளச்சேரி சட்டசபை தொகுதியில் 1.27 லட்சம் வாக்காளர்கள் நீக்கப்பட்டுள்ளனர். சென்னை மாவட்டத்தில் உள்ள 16 சட்டசபை தொகுதிகளில் தொகுதி வாரியாக நீக்கப்பட்ட வாக்காளர்களின் விவரங்களை இங்கே பார்க்கலாம்.

தமிழகம் முழுவதும் வரைவு வாக்காளர் பட்டியலில் வெளியான நிலையில் சென்னையில் 14 லட்சம் வாக்காளர் பெயர்கள் நீக்கப்பட்டுள்ளன. இந்திய தேர்தல் ஆணையத்தின் அறிவுறுத்தல்படி வாக்காளர் பட்டியல் சிறப்பு தீவிர திருத்தப் பணிகள் நிறைவுற்று இன்று சென்னை மாநகராட்சி அலுவலகமான ரிப்பன் மாலையில் சென்னை மாநகராட்சி ஆணையர் குமரகுருபரன் வரைவு வாக்காளர் பட்டியலை வெளியிட்டார்.

எஸ்ஐஆர் வாக்காளர் சிறப்பு தீவிர திருத்த பணிகளுக்கு முன்பு சென்னையில் ஆண் வாக்காளர்களின் எண்ணிக்கை 19,62,245, பெண் வாக்காளர்களின் எண்ணிக்கை 20,41,144, இதர பிரிவினர் 1305 என மொத்தமாக 40,04,694 வாக்காளர்கள் இருந்தனர். எஸ்.ஐ.ஆர்-க்கு பின், தற்போது வெளியாகியுள்ள வரைவு வாக்காளர் பட்டியலில் 25,79,676 பெயர்கள் இடம்பெற்றுள்ளது. இதில், ஆண்கள் 12,47,690, பெண்கள் 13,31,243, இதர பிரிவினர் 743 பேர் உள்ளனர்.

இதில் SIR படிவம் திரும்பி பெறாதவர்களின் எண்ணிக்கை அடிப்படையில், இறந்தவர்கள் எண்ணிக்கை 1,56,555, இடம் பெயர்ந்தவர்களின் எண்ணிக்கை 12,22,164, ஆப்செண்ட்களின் எண்ணிக்கை 27,328, இதர இனங்கள் 189 என மொத்தம் 14,25,018 வாக்காளர்கள் நீக்கப்பட்டுள்ளனர்.

குறைந்தபட்சமாக துறைமுகம் தொகுதியில் 1 லட்சத்து 10,517 வாக்காளர்களும், அதிகபட்சமாக பெரம்பூர் தொகுதியில் 2 லட்சத்து 00,181 வாக்காளர்களும் உள்ளனர். அதிகபட்சமாக வேளச்சேரி சட்டசபை தொகுதியில் 1.27 லட்சம் வாக்காளர்கள் நீக்கப்பட்டுள்ளனர். குறைந்தபட்சமாக ராயபுரம் தொகுதியில் 51,711 வாக்காளர்கள் நீக்கப்பட்டுள்ளனர்.

சென்னையில் தொகுதி வாரியாக நீக்கப்பட்டுள்ள வாக்காளர்கள்

1.ஆர்.கே.நகர் தொகுதி - 32,501

2.பெரம்பூர் தொகுதி - 97,345

3.கொளத்தூர் தொகுதி - 1,03,812

4.வில்லிவாக்கம் தொகுதி - 97,960

5.திரு.வி.க. நகர் தொகுதி - 59,043

6.எழும்பூர் தொகுதி - 74,858

7.ராயபுரம் தொகுதி - 51,711

8.துறைமுகம் தொகுதி - 69,824

9.சேப்பாக்கம் தொகுதி - 89,241

10.ஆயிரம் விளக்கு தொகுதி - 96,981

11.அண்ணாநகர் தொகுதி - 1,18,287

12.விருகம்பாக்கம் தொகுதி - 1,10,824

13.சைதாப்பேட்டை தொகுதி - 87,228

14.தியாகராயநகர் தொகுதி - 95,999

15.மயிலாப்பூர் தொகுதி - 87,668

16.வேளச்சேரி தொகுதி - 1,27,521

English summary

Election Commission has released the draft voter list for Chennai district. In this list, a maximum of 1.27 lakh voters have been removed from the Velachery assembly constituency. Here you can see the details of the voters removed constituency-wise in the 16 assembly constituencies of Chennai district.