தமிழக சட்டசபை தேர்தல் - உதயநிதி உட்பட சென்னை டான் பாஸ்கோ பள்ளி முன்னாள் மாணவர்கள் 7 பேர் போட்டி

சென்னை: தமிழக சட்டசபை தேர்தலில் சென்னை எழும்பூர் டான் பாஸ்கோ பள்ளி முன்னாள் மாணவர்கள் 7 பேர் களம் காண்கின்றனர்.

சட்டசபை தேர்தல் களம் ஒவ்வொரு நாளும் சுவராசியமானதாகவும் பரபரப்பாகவும் இருக்கிறது. தற்போதைய தேர்தலில் சென்னை டான்பாஸ்கோ பள்ளியை சேர்ந்த முன்னாள் மாணவர்கள் 7 பேர் களம் காணுகின்றனராம்.

எந்த கட்சிகள்?

இவர்களில் 3 பேர் திமுக வேட்பாளர்கள்: நடிகர் கமல்ஹாசனின் மக்கள் நீதி மய்யத்தின் வேட்பாளர்கள் 2 பேர்; காங்கிரஸ் மற்றும் அதிமுகவில் தலா ஒருவர்.

உதயநிதி உள்ளிட்ட 3 பேர்

திமுகவில் சேப்பாக்கம்- திருவல்லிக்கேணி தொகுதியில் போட்டியிடும் திமுக இளைஞரணி செயலாளர் உதயநிதி டான்பாஸ்கோ முன்னாள் மாணவர். அதேபோல் வில்லிவாக்கம் தொகுதி வேட்பாளர் வெற்றியழகன், ஆயிரம் விளக்கு தொகுதியில் போட்டியிடும் எழிலன் நாகநாதன் இருவரும் கூட டான்பாஸ்கோ முன்னாள் மாணவர்கள்தான்.

மநீம வேட்பாளர்கள்

மாதவரம் தொகுதி மக்கள் நீதி மய்ய வேட்பாளர் ரமேஷ் கொண்டல்சுவாமியும் டான்பாஸ்கோ முன்னாள் மாணவர். டி.எல்.எப். நிறுவனத்தின் தென்பிராந்திய தலைவராக இருந்தவர். மேலும் மக்கள் நீதி மய்யத்தின் ஈரோடு சட்டசபை தொகுதி வேட்பாளர் ராஜா குமார் டான் பாஸ்கோ முன்னாள் மாணவர்தான்.

மனோஜ் பாண்டியன்

ஆலங்குளம் தொகுதி அதிமுக வேட்பாளர் மனோஜ் பாண்டியனும் இந்த பள்ளியில்தான் படித்தவர். ஶ்ரீவைகுண்டம் தொகுதி காங்கிரஸ் வேட்பாளர் அமித்ரராஜும் டான் பாஸ்கோ முன்னாள் மாணவர்தான்.

English summary

Chennai Don Bosco school's 7 alumni had Contested in the Tamilnadu Assembly Election.