சென்னை ஐகோர்ட் தலைமை நீதிபதி சஞ்சீப் பானர்ஜியை.. மேகாலயாவுக்கு இடமாற்றம் செய்ய.. கொலிஜியம் பரிந்துரை
சென்னை: சென்னை உயர் நீதிமன்ற தலைமை நீதிபதியாக உள்ள சஞ்ஜீப் பானர்ஜியை மேகாலயா உயர் நீதிமன்றத்திற்கு இடமாற்றம் செய்ய கொலிஜியம் அமைப்பு பரிந்துரை செய்துள்ளது.
சென்னை உயர் நீதிமன்ற தலைமை நீதிபதியாக இருந்த ஏ.பி.சாஹி 2020ஆம் ஆண்டுடன் ஓய்வு பெற்றார். இதையடுத்து கொல்கத்தா உயர் நீதிமன்றத்தில் இரண்டாவது மூத்த நீதிபதியாக இருந்த சஞ்ஜீப் பானர்ஜி, கடந்த ஜனவரி 4ஆம் தேதி சென்னை உயர் நீதிமன்ற தலைமை நீதிபதியாகப் பதவியேற்றார்.
இவர் கடந்த 11 மாதங்களில் பல வழக்குகளை விசாரித்துப் பல முக்கிய உத்தரவுகளைப் பிறப்பித்துள்ளார். இந்தச் சூழலில் கடந்த செப்டம்பர் மாதம் 16ஆம் தேதி கொலிஜியம் குழுக் கூட்டம் டெல்லியில் நடந்தது.
அதில் சென்னை உயர் நீதிமன்ற தலைமை நீதிபதியாக உள்ள சஞ்ஜீப் பானர்ஜியை மேகாலயா உயர் நீதிமன்றத்திற்கு இடமாற்றம் செய்ய கொலிஜியம் பரிந்துரை அளித்துள்ளது.
மேலும் அலகாபாத் உயர் நீதிமன்ற நீதிபதி முனீஸ்வர் நாத் பண்டாரியை சென்னை உயர் நீதிமன்ற நீதிபதியாக பணியிடமாற்றம் செய்யவும் கொலீஜியம் பரிந்துரை செய்துள்ளது.
Click it and Unblock the Notifications
Sign in with Google