இன்று முதல்.. வணிக பயன்பாட்டு சிலிண்டர் விலை குறைவு.. சென்னையில் என்ன விலை?

சென்னை: செப்டம்பர் மாதத்தின் தொடக்க நாளான இன்று வணிக பயன்பாட்டு சிலிண்டர் விலை குறைக்கப்பட்டுள்ளது. 19 கிலோ எடை கொண்ட வணிக பயன்பாடு சிலிண்டர் விலை ரூ.51.50 குறைந்து ரூ.1,7,37.50க்கு விற்பனை செய்யப்படுகிறது.

சர்வதேச சந்தையில் நிலவும் கச்சா எண்ணெய் விலைக்கேற்ப கேஸ் சிலிண்டர் விலையை நிர்ணையித்துக் கொள்ள மத்திய அரசு எண்ணெய் நிறுவனங்களுக்கு அனுமதி அளித்துள்ளது. ஒவ்வொரு மாதமும் சர்வதேச சந்தை நிலவரத்திற்கு ஏற்ப சிலிண்டர் விலை நிர்ணயம் செய்யப்படுகிறது.

அந்த வகையில் இன்று எண்ணெய் நிறுவனங்கள் வெளியிட்டுள்ள அறிவிப்பின் படி வணிக பயன்பாட்டு சிலிண்டரின் விலை குறைந்துள்ளளது. சென்னையில் 19 கிலோ எடை கொண்ட வணிக பயன்பாடு சிலிண்டர் விலை ரூ.51.50 குறைந்து ரூ.1,7,37.50க்கு விற்பனை செய்யப்படுகிறது. முன்னதாக, வர்த்தக பயன்பாட்டு சிலிண்டர் விலை சென்னையில் ரூ. 1,789 ஆக இருந்தது.

அதே சமயம் வீட்டு உபயோக சிலிண்டர் விலையில் எந்த மாற்றமுமின்றி 868.50 ரூபாய்க்கு விற்பனையாகிறது. 14 கிலோ எடை கொண்ட வீட்டு உபயோக சிலிண்டர் விலையில் மாற்றம் இல்லாமல் ரூபாய் 868.50க்கு விற்பனை செய்யப்பட்டு வருகிறது.

வணிக பயன்பாட்டு சிலிண்டர்களின் விலையைப் பொறுத்தவரை தலைநகர் டெல்லியில் ரூ.1,580, கொல்கத்தாவில் ரூ.1,684, மும்பையில் ரூ.1531.50க்கும் தற்போது விற்பனை செய்யப்படுகிறது.

செப்டம்பர் 1 ஆம் தேதி, வணிகப் பயன்பாட்டு சிலிண்டர்களின் விலை ரூபாய் 51.50 குறைந்துள்ளதால் சிறு கடைகள் வைத்துள்ள வியாபாரிகள், வர்த்தகர்கள் சற்று நிம்மதி அடைந்துள்ளனர்.

English summary

Oil marketing companies announced a reduction in the prices of 19 kg commercial LPG cylinders. According to the revised pricing, the retail sale price of a 19 kg commercial LPG cylinder in Chennai by Rs.51.50 reflecting a cut of Rs 51.50 per cylinder.