தவெகவுக்கு காங்கிரஸ் ஆதரவு! விஜய் கட்சியின் பலம் என்ன? இன்னும் எவ்வளவு தேவை?
சென்னை: காங்கிரஸ் கட்சி தவெகவுக்கு ஆதரவு அளித்துள்ள நிலையில் தவெகவின் பலம் எவ்வளவு என்பதை பார்க்கலாம். 2029 ஆம் ஆண்டு நாடாளுமன்றத் தேர்தலிலும் தவெகவுக்கு ஆதரவு என காங்கிரஸ் தெரிவித்துள்ளது.
தமிழக சட்டசபை தேர்தலில் 108 இடங்களில் தவெக வென்றுள்ளது. பெரும்பான்மைக்கு 118 தேவைப்படுகிறது. இதனால் விஜய் காங்கிரஸ் உள்ளிட்ட கட்சிகளின் ஆதரவை பெறுவார் என சொல்லப்பட்டது.
இந்த நிலையில் 108 தொகுதிகளில் விஜய் இரு தொகுதிகளில் வென்றதால் ஒரு தொகுதியை ராஜினாமா செய்ய நேரிடும். இதனால் தவெகவின் பலம் 107 ஆக குறைகிறது.
தங்களுக்கு ஆதரவு அளிக்குமாறு காங்கிரஸ் கட்சியிடம் தவெக கேட்டுக் கொண்டது. இதுகுறித்து ராகுல், கார்கேவிடம் காங்கிரஸ் மூத்த தலைவர்கள் விவாதித்தனர்.
இந்த நிலையில் தவெகவுக்கு காங்கிரஸ் ஆதரவு என அறிவிக்கப்பட்டுள்ளது. இதுகுறித்து காங்கிரஸ் வெளியிட்ட செய்திக் குறிப்பில் கூறியிருப்பதாவது:தமிழகத்தில் காமராஜரின் ஆட்சியை கொண்டு வர தவெகவுக்கு ஆதரவு தருகிறோம்.
பிரிவினைவாத சக்திகளுடன் கூட்டணி வைக்கக் கூடாது. பெரியாரின் சமூகநீதி, அம்பேத்கரின் அரசியலமைப்பு கொள்கையின்படி தவெக காங்கிரஸ் கூட்டணி அமையும்.
சட்டசபை தேர்தலுக்கு ஆட்சி அமைக்க மட்டும் இந்த ஆதரவு இல்லை, உள்ளாட்சித் தேர்தல்,2029 லோக்சபா தேர்தல், ராஜ்யசபா தேர்தல்களிலும் விஜய் கட்சிக்கு ஆதரவு அளிப்போம் என தெரிவித்துள்ளனர்.
இதனால் திமுக- காங்கிரஸ் கூட்டணி முடிவுக்கு வந்தது. தமிழகத்தில் 20 ஆண்டுகளுக்கும் மேலாக இந்த கூட்டணி தொடர்ந்த நிலையில் தற்போது முறிந்தது. எனவே தவெகவின் பலம் என்ன என்பதை பார்க்கலாம்.
தவெக 107
காங்கிரஸ் - 5
மொத்தம் 112 இடங்கள் வரை தற்போது கிடைத்துள்ளன. பெரும்பான்மைக்கு இன்னும் 6 பேரின் ஆதரவு தேவை என்ற நிலையில் கம்யூனிஸ்ட், மார்க்சிஸ்ட், விசிக ஆகிய கட்சிகள் தலா 2 எம்எல்ஏக்களை வைத்துள்ளன. எனவே அவர்கள் ஆதரவை தவெக பெற முயற்சித்து வருகிறார்கள்.
Click it and Unblock the Notifications
Sign in with Google