ஜோதிடருக்கு சிறப்பு அதிகாரி பணியா? விஜய்க்கு எதிராக காங்கிரசில் இருந்தும் வந்த குரல்.. போச்சு
சென்னை: விஜய்யின் ஜோதிடர் ரிக்கி ரதன் பண்டிட் தமிழக முதல்வர் விஜய்யின் சிறப்புப் பணி அதிகாரியாக நியமனம் செய்யப்பட்டுள்ளார். ஜோதிடராக இருக்க கூடிய ரிக்கி ரதன் பண்டிட் வெற்றிவேலுக்கு தமிழக அரசில் பணி வழங்கப்பட்டு இருப்பது கடும் விமரசனங்களை ஏற்படுத்தியுள்ளது. இடதுசாரிகள், விசிக கடுமையாக விமர்சித்து இருந்த நிலையில் காங்கிரசும் இந்த விவகாரத்தில் விஜய்க்கு எதிராக குரல் எழுப்பியுள்ளது.
தமிழக முதல்வர் விஜய்யின் சிறப்புப் பணி அதிகாரியாக (அரசியல்) ரிக்கி ரதன் பண்டிட் வெற்றிவேல் நியமிக்கப்பட்டுள்ளார். இதற்கான அரசாணையை தமிழக பொதுத்துறை முதன்மைச் செயலாளர் ரீட்டா ஹரிஷ் தாக்கர் இன்று வெளியிட்டார். இவர் பிரபல ஜோதிடராகும். மேலும் த.வெ.க. கட்சியில் செய்தித் தொடர்பாளராக இருக்கிறார்.
தனது ஆஸ்தான ஜோதிடராக இருக்க கூடிய ரிக்கி ரதன் பண்டிட் வெற்றிவேலுக்கு தமிழக அரசில் பணி வழங்கப்பட்டு இருப்பது கடும் விமரசனங்களை ஏற்படுத்தியுள்ளது. தவெகவிற்கு ஆதரவு அளிக்கக் கூடிய கட்சிகளான இடதுசாரிகள், விசிகவின் ரவிக்குமார் கடுமையாக விமர்சித்து இருந்தனர். விஜய் தனது முடிவை திரும்ப பெற வேண்டும் என்றும் அரசியல் கூட்டணி கட்சிகள் எதிர்ப்பை பதிவிட்டு வருகின்றன.
ஆனால், விஜய் இதுவரை இந்த விவகாரத்தில் கருத்து எதுவும் தெரிவிக்கவில்லை. இந்த நிலையில், காங்கிரஸ் கட்சியும் விஜய்யின் ஜோதிடர் நியமனத்திற்கு எதிர்பை தெரிவித்துள்ளது. காங்கிரஸ் எம்.பி சசிகாந்த் செந்தில் தனது எக்ஸ் தளத்தில் பதிவிட்டு இருப்பதாவது:- முதல்வரின் சிறப்பு அதிகாரியாக (OSD) ரிக்கே ராதன் பண்டிட் வெற்றிவேலை உடனடி அமலுக்கு நியமித்ததாக கூறப்படும் கடிதத்தின் நகலை மறுபதிவு செய்துள்ளார்.
"ஒரு ஜோதிடருக்கு ஏன் முதல்வரின் சிறப்பு அதிகாரி (OS)D பதவி தேவைப்படுகிறது? யாராவது இதை விளக்க முடியுமா?" என்று குறிப்பிட்டுள்ளார். விஜய்யின் தவெகவிற்கு ஆதரவு அளித்த முக்கியமான கட்சியாக உள்ள காங்கிரஸ் தரப்பில் இருந்து எதிர்ப்புகள் கிளம்பியது விஜய்க்கு இந்த பணி நியமனம் பெரும் நெருக்கடியை கொடுத்துள்ளது.
Click it and Unblock the Notifications
Sign in with Google