சாதனைகள் எல்லாம் முறியடிப்பு.. கோலிவுட்டின் மிக அதிக வசூல் படமாக உருவெடுக்கும்.. கூலி படம்!
சென்னை: நடிகர் ரஜினிகாந்தின் 'கூலி' திரைப்படம் வட அமெரிக்காவில் பெரும் எதிர்பார்ப்பை ஏற்படுத்தியுள்ளது. இப்படம் வெளியீட்டிற்கு முந்தைய முன்பதிவு விற்பனை பல சாதனைகளை முறியடித்துள்ளது. கனடாவின் முன்பதிவுகளையும் சேர்த்து இதுவரை 1.7 மில்லியன் அமெரிக்க டாலருக்கும் மேல் வசூலித்துள்ளது.
சூப்பர் ஸ்டார் ரஜினிகாந்தின் "கூலி" திரைப்படம் வெளியீட்டிற்கு முன்பே ₹250 கோடி வசூலித்து சாதனை படைத்துள்ளது. லோகேஷ் கனகராஜ் இயக்கத்தில் உருவாகியுள்ள இந்தத் திரைப்படம், ₹375 கோடி பட்ஜெட்டில் பிரம்மாண்டமாகத் தயாரிக்கப்பட்டுள்ளது.
ஆகஸ்ட் 15 நெருங்கி வரும் நிலையில், ரஜினிகாந்த் நடிப்பில் உருவாகியுள்ள 'கூலி' திரைப்படம் குறித்த எதிர்பார்ப்பு அதிகரித்துள்ளது. ஹிருத்திக் ரோஷன், ஜூனியர் என்.டி.ஆர் மற்றும் கியாரா அத்வானி நடிப்பில் உருவாகியுள்ள 'வார் 2' திரைப்படத்துடன் நேரடியாக மோதவிருந்தாலும், லோகேஷ் கனகராஜ் இயக்கியுள்ள இந்த ஆக்ஷன் திரில்லர் படம் குறித்த ஆர்வமே அதிகம் உள்ளது. வார் 2 படத்தை விட பல மடங்கு புக்கிங் தியேட்டர்களில் நடந்து வருகிறது.
'கூலி' திரைப்படம் சாதனை
'கூலி' திரைப்படம், லோகேஷ் கனகராஜின் முந்தைய படமான 'லியோ'வின் சாதனையை முறியடித்துள்ளது. பல காட்சிகள் ஏற்கனவே விற்றுத் தீர்ந்துள்ள நிலையில், திரையரங்குகளில் மக்கள் கூட்டம் அலைமோதுகிறது. முதல் நாள் வசூல் 2 மில்லியன் அமெரிக்க டாலரைத் தாண்டும் என வர்த்தக ஆய்வாளர்கள் கணிக்கின்றனர்.
ரஜினிகாந்தின் வரவிருக்கும் அதிரடிப் படமான 'கூலி', வெளியீட்டிற்கு முன்பே வட அமெரிக்க பாக்ஸ் ஆபீஸில் புயலைக் கிளப்பியுள்ளது. வெளியீட்டிற்கு இன்னும் நான்கு நாட்களே உள்ள நிலையில், அமெரிக்க சந்தையிலிருந்து மட்டும் $1,447,203 வசூலித்துள்ளது. மேலும், 56,000 டிக்கெட்டுகளுக்கு மேல் விற்பனையாகியுள்ளன.
'கூலி' திரைப்படம் வசூல்
கனடாவின் முன்பதிவுகளையும் சேர்த்தால், 'கூலி' படத்தின் வட அமெரிக்க முதல் நாள் வசூல் 1.7 மில்லியன் அமெரிக்க டாலரை எட்டியுள்ளது. இது அப்பகுதியில் ஒரு இந்தியப் படத்திற்கு இதுவரை இல்லாத மிகப்பெரிய தொடக்கங்களில் ஒன்றாகும். லோகேஷ் கனகராஜ் இயக்கத்தில் தளபதி விஜய் நடித்த 'லியோ: ப்ளடி ஸ்வீட்' திரைப்படம் அமெரிக்காவில் $1.3 மில்லியன் வசூலித்திருந்தது. 'கூலி' திரைப்படம், 'லியோ'வின் அமெரிக்க முதல் நாள் வசூல் சாதனையை முறியடித்துள்ளது.
'கூலி' படத்தின் முன்பதிவு வேகம் குறிப்பிடத்தக்கது. இன்னும் பல நாட்கள் உள்ள நிலையில், அமெரிக்கா மற்றும் கனடா ஆகிய இரு நாடுகளிலும் முன்பதிவுகள் முன்னெப்போதும் இல்லாத அளவில் உயர்ந்துள்ளன. பல காட்சிகள் ஏற்கனவே விற்றுத் தீர்ந்துள்ளன. இந்த போக்கு, 'கூலி' வட அமெரிக்காவில் இந்தியப் படங்களின் முதல் நாள் வசூலில் புதிய சாதனையைப் படைக்கும் என்பதைக் காட்டுகிறது. வர்த்தக ஆய்வாளர்கள் இந்த வேகத்தை "sensational" என்று வர்ணிக்கின்றனர்.
ரஜினிகாந்தின் கூலி படம்
ரஜினிகாந்தின் நட்சத்திர அந்தஸ்து, லோகேஷ் கனகராஜின் ஆக்ஷன் நிறைந்த கதை சொல்லும் பாணி ஆகியவற்றின் கலவையே இந்த அலைக்குக் காரணம். முதல் நாள் வசூல் 2 மில்லியன் டாலரைக் கடக்கும் என ரசிகர்கள் மற்றும் விநியோகஸ்தர்கள் பலர் கணிக்கின்றனர். இது வரலாற்றில் சில தமிழ்ப் படங்களால் மட்டுமே எட்டப்பட்ட ஒரு சாதனை.
நாகார்ஜுனா, ஷௌபின் ஷாஹிர், உபேந்திரா, சத்யராஜ், ஸ்ருதி ஹாசன், ஆமிர் கான் ஆகியோர் 'கூலி' திரைப்படத்தில் முக்கிய கதாபாத்திரங்களில் நடித்துள்ளனர். ரித்திக் ரோஷன், ஜூனியர் என்.டி.ஆர் மற்றும் கியாரா அத்வானி ஆகியோர் நடித்துள்ள 'வார் 2' படத்துடன் 'கூலி' மோதவுள்ளது. அயன் முகர்ஜி இயக்கியுள்ள 'வார் 2', ஆதித்யா சோப்ரா உருவாக்கிய ஸ்பை யூனிவர்ஸின் சமீபத்திய படமாகும். சல்மான் கானின் 'டைகர்' தொடர் மற்றும் ஷாருக்கான் நடித்த 'பதான்' போன்ற படங்கள் இந்த வரிசையில் அடங்கும். முதல் நாள் காட்சிகளைப் பொறுத்தவரை, 'கூலி' படத்திற்கு 'வார் 2' ஒரு சவாலாக இருக்காது எனத் தெரிகிறது.
Click it and Unblock the Notifications
Sign in with Google