சென்னையில் அதிரடி திருப்பம்.. மற்ற மாவட்டங்களில் மோசம்.. தமிழகத்தில் இன்று 4280 பேருக்கு கொரோனா!
சென்னை: தமிழகத்தில் இன்று 4280 பேருக்கு கொரோனா பாதிப்பு ஏற்பட்டுள்ளது. தொடர்ந்து தமிழகத்தில் கொரோனா வேகம் எடுத்து வருகிறது.
தொடர்ந்து மூன்றாவது நாளாக 4000+ பேருக்கு தமிழகத்தில் கொரோனா ஏற்பட்டுள்ளது. 1 லட்சம் பேருக்கும் அதிகமாக தமிழகத்தில் கொரோனா பாதிப்பு ஏற்பட்டுள்ளது.
107001 பேருக்கு தமிழகத்தில் இதுவரை கொரோனா பாதிப்பு ஏற்பட்டுள்ளது. சென்னையில் மட்டும் இன்று 1842 பேருக்கு கொரோனா ஏற்பட்டுள்ளது.
சென்னை நிலை
சென்னையில் தொடர்ந்து நிலைமை மோசமாகி வந்த நிலையில் இன்று கொஞ்சம் கேஸ்கள் குறைவாக வந்துள்ளது. கடுமையான கட்டுப்பாடு இதற்கு காரணம் என்கிறார்கள். சென்னையில் மொத்தம் 66538 பேருக்கு கொரோனா ஏற்பட்டுள்ளது. இன்று மட்டும் மொத்தம் 2214 பேர் டிஸ்சார்ஜ் செய்யப்பட்டு இருக்கிறார்கள்.தமிழகத்தில் மொத்தமாக 60592 பேர் இதுவரை டிஸ்சார்ஜ் செய்யப்பட்டு உள்ளனர்.
பலி எண்ணிக்கை
தமிழகத்தில் இறப்பு எண்ணிக்கையும் வேகமாக உயர்ந்து வறுகிறது மொத்தமாக ஆக்டிவ் நோயாளிகளின் எண்ணிக்கை 44956 ஆக உள்ளது. தமிழகத்தில் 65 பேர் இன்று கொரோனா காரணமாக பலியாகி உள்ளனர். தமிழகத்தில் மொத்தமாக 1450 பேர் பலியாகி உள்ளனர்.
வேறு எங்கு
சென்னைக்கு அடுத்து இன்று மதுரையில் 350 பேருக்கு கொரோனா பாதிப்பு ஏற்பட்டுள்ளது. மொத்தமாக 3776 பேருக்கு அங்கு கொரோனா ஏற்பட்டுள்ளது .இன்று செங்கல்பட்டில் 215 பேருக்கு கொரோனா பாதிப்பு ஏற்பட்டுள்ளது. மொத்தமாக 6355 பேருக்கு அங்கு கொரோனா ஏற்பட்டுள்ளது. இன்று திருவள்ளூரில் 256 பேருக்கு கொரோனா பாதிப்பு ஏற்பட்டுள்ளது. மொத்தமாக 4596 பேருக்கு அங்கு கொரோனா ஏற்பட்டுள்ளது.
இன்று சோதனை
தொடர்ந்து கொரோனா சோதனைகளை தமிழகம் துரிதப்படுத்தி உள்ளது. இன்று 36164 மாதிரிகள் தமிழகத்தில் சோதனை செய்யப்பட்டுள்ளது. 1306884 மாதிரிகள் இதுவரை தமிழகத்தில் சோதனை செய்யப்பட்டுள்ளது. தமிழகத்தில் இன்று 35426 பேருக்கு கொரோனா சோதனைகள் செய்யப்பட்டுள்ளது. மொத்தமாக 1249317 பேருக்கு தமிழகத்தில் இதுவரை கொரோனா சோதனை செய்யப்பட்டுள்ளது.
Click it and Unblock the Notifications
Sign in with Google