சென்னை அப்டேட்டுகளுக்கு
நோட்டிபிகேஷனை அனுமதி  
Oneindia App Download

முதல்வர் வேட்பாளரை அதிமுகவே தீர்மானிக்கும் என்கிறார் பாஜகவின் சி.டி. ரவி

தேசிய ஜனநாயகக் கட்சியின் முதல்வர் வேட்பாளரை அதிமுகவே தீர்மானிக்கும் என்று பாஜகவின் தமிழக பொறுப்பாளர் சி.டி. ரவி கூறியுள்ளார்.

Google Oneindia Tamil News

சென்னை: எங்கள் கூட்டணியில் உள்ள பெரிய கட்சி அதிமுகதான். அந்த கட்சிதான் முதல்வர் வேட்பாளரை தீர்மானிக்கும் என்று ஒருவழியாக சொல்லியே விட்டார் பாஜகவின் தமிழக பொறுப்பாளர் சி.டி. ரவி. இதன்மூலம் அதிமுக, பாஜக கூட்டணியில் முதல்வர் வேட்பாளர் பற்றிய சர்ச்சை முடிவுக்கு வந்து விட்டதாக கருதலாம்.

தமிழக சட்டசபைத் தேர்தலுக்கு இன்னும் சில மாதங்களே உள்ள நிலையில் அடை மழை காலத்திலும் தேர்தல் களத்தில் அனல் பறக்கிறது. அதிமுக, திமுக, மக்கள் நீதி மய்யம் கட்சியினர் பிரச்சாரத்தை ஆரம்பித்து விட்டனர். தேர்தல் பிரச்சாரத்தில் எதிர்கட்சி தலைவர் ஸ்டாலின் வைக்கும் குற்றச்சாட்டுகளுக்கு பதிலடி தருகிறார் முதல்வர் எடப்பாடி பழனிச்சாமி.

லோச்சபா தேர்தலில் தேசிய ஜனநாயகக் கூட்டணியில் அதிமுக, பாஜக, பாமக, தேமுதிக உள்ளிட்ட கட்சியினர் இணைந்து தேர்தலை சந்தித்தனர். இதே கூட்டணி சட்டசபைத் தேர்தலிலும் நீடிக்கிறது.

ட்விட்டருக்கு போட்டியாக வந்திருக்கும் டூட்டர்.. மோடி உள்ளிட்ட பாஜக தலைவர்கள் இல்லை.. பாஜக விளக்கம்ட்விட்டருக்கு போட்டியாக வந்திருக்கும் டூட்டர்.. மோடி உள்ளிட்ட பாஜக தலைவர்கள் இல்லை.. பாஜக விளக்கம்

தமிழக சட்டசபைத் தேர்தல் 2021

தமிழக சட்டசபைத் தேர்தல் 2021

அதிமுகவின் முதல்வர் வேட்பாளராக அறிவிக்கப்பட்டுள்ளார் எடப்பாடி பழனிச்சாமி. நான்காண்டு காலம் முதல்வராக இருந்த அனுபவத்தில் தமிழகம் முழுவதும் பல தொகுதிகளில் சூறாவளி சுற்றுப்பயணம் செய்து பிரச்சாரம் மேற்கொண்டுள்ளார் எடப்பாடி பழனிச்சாமி.

முதல்வர் வேட்பாளர் சர்ச்சை

முதல்வர் வேட்பாளர் சர்ச்சை

தமிழக பாஜக தலைவர் கடந்த சில மாதங்களாகவே முதல்வர் வேட்பாளரை பாஜக தலைமை அறிவிக்கும் என்று கூறி சர்ச்சையை ஏற்படுத்தி வந்தனர். அதே நேரத்தில் பாஜகவில் உள்ள குஷ்புவோ முதல்வர் வேட்பாளர் எடப்பாடி பழனிச்சாமிதான் என்று சொல்லி வந்தார்.

எடப்பாடி பழனிச்சாமி

எடப்பாடி பழனிச்சாமி

தமிழக பாஜக தலைவர் முருகன், தேசிய ஜனநாயகக் கூட்டணியின் முதல்வர் வேட்பாளரை பாஜக தலைமை அறிவிக்கும் என்று கூறியதற்கு அதிமுக தலைவர் பதிலடி கொடுத்து வந்தனர். அதிமுகவின் முதல்வர் வேட்பாளர் எடப்பாடி பழனிச்சாமிதான் என்று கூறி வந்தனர். கூட்டணியில் கருத்து வேறுபாடுகள் சலசலப்புகள் ஏற்பட்டு வந்த நிலையில் தேர்தல் பிரச்சார பொதுக்கூட்டத்திலும், அதிமுக பொதுக்குழு கூட்டத்திலும் அதிமுகவின் துணை ஒருங்கிணைப்பாளர் கே.பி முனுசாமி பேசிய பேச்சுகள் பலத்த சலசலப்பை ஏற்படுத்தின.

கே.பி முனுசாமி பதிலடி

கே.பி முனுசாமி பதிலடி

முதல்வர் வேட்பாளர் எடப்பாடி பழனிச்சாமிதான் என்றும், கூட்டணி ஆட்சி என்ற பேச்சுக்கே இடமில்லை என்றும் கூறினார் கே.பி. முனுசாமி. தேசிய கட்சிகள் அதிமுகவுக்கு ஒரு பொருட்டே இல்லை. அவை நம் கட்சியின் தோள் மீதோ, திமுகவின் தோள் மீதோதான் ஏறி பயணிக்க வேண்டும். அதனால், அதிமுகவிற்கும் திமுகவிற்கும் மட்டுமே போட்டி என்று கூறினார் கே.பி. முனுசாமி.

அதிமுகவே தீர்மானிக்கும்

அதிமுகவே தீர்மானிக்கும்

இந்த நிலையில் இன்று தமிழக பாஜக பொறுப்பாளர் சி.டி. ரவி திருச்சிக்கு வந்திருந்தார். செய்தியாளர்களிடம் பேட்டியளித்த சி.டி. ரவி, சட்டசபைத் தேர்தலில் தேசிய ஜனநாயகக் கூட்டணியில் உள்ள பெரிய கட்சி அதிமுக தான். அதனால், அக்கட்சியே யார் முதல்வர் வேட்பாளர் என்பதைத் தீர்மானித்துக்கொள்ளும் என்றார்.

சர்ச்சைக்கு முற்றுப்புள்ளி

சர்ச்சைக்கு முற்றுப்புள்ளி

தமிழகத்தில் பாஜக சிறிய கட்சிதான். எனவே அதிமுக முடிவு செய்யும் முதல்வர் வேட்பாளரை ஏற்றுக்கொள்ளும் என்று கூறினார். பொதுக்குழுவில் கே.பி.முனுசாமி பேசியது குறித்து செய்தியாளர்கள் கேட்டபோது, கே.பி.முனுசாமி பேசியதை நாங்கள் பெரிதாகக் கவனத்தில் எடுத்துக்கொள்ளவில்லை என்றும் தெரிவித்தார் சி.டி. ரவி. இதன்மூலம் அதிமுக பாஜக கூட்டணியின் முதல்வர் வேட்பாளர் பற்றிய சர்ச்சைக்கு முற்றுப்புள்ளி வைக்கப்பட்டுள்ளதாக கருதலாம்.

English summary
The biggest party in our coalition is the AIADMK. In a way, the BJP's Tamil Nadu chief CD has said that the party will decide the chief ministerial candidate. Ravi. Thus, the controversy over the chief ministerial candidate in the AIADMK-BJP alliance can be considered over.
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X