திமுக MP, MLAக்களுக்கு பறந்த முக்கிய உத்தரவு! 13ஆம் தேதி நிகழ்ச்சி! மாவட்டச் செயலாளர்களை பாருங்க!
சென்னை: திமுக சட்டமன்ற உறுப்பினர்கள் மற்றும் நாடாளுமன்ற உறுப்பினர்களுக்கு வரும் சனிக்கிழமை அன்று முக்கிய வேலை ஒன்றை கொடுத்திருக்கிறது அக்கட்சியின் தலைமை.
அதாவது, திமுக ஐடி விங் சார்பில் நடத்தப்படவுள்ள சோசியல் சைட்ஸ் குறித்த பயிற்சி வகுப்பில் நாடாளுமன்றம் மற்றும் சட்டமன்ற உறுப்பினர்கள் கட்டாயம் கலந்து கொள்ள வேண்டும் என அறிவுறுத்தப்பட்டுள்ளது.
அதேபோல் அவர்களுடன் திமுகவில் உள்ள அனைத்து சார்பு அணிகளின் நிர்வாகிகளும் இதில் அவசியம் பங்கேற்க வேண்டும் என்று கேட்டுக் கொள்ளப்பட்டுள்ளதுடன், இது தொடர்பான மேலும் விவரங்களுக்கு மாவட்டக் கழகத்தை அணுகுமாறும் தெரிவிக்கப்பட்டுள்ளது.
இது தொடர்பாக திமுக தலைமைக்கழகம் இன்று விடுத்துள்ள முக்கிய அறிவிப்பு பின் வருமாறு;
'''தி.மு.க. தகவல் தொழில்நுட்ப அணி'யின் முன்னெடுப்பில் வருகிற 13.01.2024 (சனிக்கிழமை) அன்று மாவட்டக் கழகங்கள் நடத்தும் மாவட்ட அளவிலான “சமூக ஊடகங்களுக்கான பயிற்சி வகுப்பு” நடைபெறுகிறது.
இப்பயிற்சி வகுப்பில் கழக இளைஞர் அணி - மாணவர் அணி மகளிர் அணி - தொண்டர் அணி - தொழிலாளர் அணி வழக்கறிஞர் அணி - பொறியாளர் அணி - மருத்துவ அணி விளையாட்டு மேம்பாட்டு அணி - சிறுபான்மைநல உரிமைப் பிரிவு விவசாய அணி - விவசாயத் தொழிலாளர் அணி - சுற்றுச்சூழல் அணி - அயலக அணி உள்ளிட்ட கழக சார்பு அணிகளின் மாவட்ட அமைப்பாளர்கள் துணை அமைப்பாளர்கள் மற்றும் கழக நாடாளுமன்ற சட்டமன்ற உறுப்பினர்கள் கட்டாயம் கலந்து கொள்ள வேண்டும் என அறிவுறுத்தப்படுகிறது.
இப்பயிற்சி வகுப்பு நடைபெறும் இடம் குறித்த விவரங்களைத் தெரிந்து கொள்ள, அந்தந்த மாவட்டக் கழகத்தை அணுக வேண்டுமென கேட்டுக் கொள்ளப்படுகிறார்கள்.'' இவ்வாறு அந்த பதிவில் தெரிவிக்கப்பட்டுள்ளது.
Click it and Unblock the Notifications
Sign in with Google