மு.க.ஸ்டாலின் நிகழ்ச்சிகளை முழுமையாக அறிய... STALIN ANI செயலியை அறிமுகப்படுத்திய திமுக..!
சென்னை: திமுக தலைவர் மு.க.ஸ்டாலினின் அன்றாட நிகழ்வுகளை உடனுக்குடன் தெரிந்துகொள்ளும் வகையில் 'ஸ்டாலின் அணி' (STALIN ANI) என்ற செயலியை அறிமுகப்படுத்தியுள்ளது திமுக.
இந்த செயலியை கூகுள் பிளேஸ்டோருக்கு சென்று பதிவிறக்கம் செய்து வைத்துக்கொண்டால், மு.க.ஸ்டாலின் கலந்துகொள்ளும் நிகழ்ச்சிகளின் விவரங்கள், எந்தெந்த தேதியில் அவருக்கு என்னென்ன பணிகள் இருக்கின்றன உள்ளிட்ட விவரங்களை அறிந்து கொள்ளலாம்.
மேலும், அதுமட்டுமல்லாமல் மு.க.ஸ்டாலினின் அறிக்கைகள், முகநூல், ட்விட்டர் பதிவுகள், உரைகள் என அனைத்தையும் இந்த செயலி மூலம் காண முடியும். சட்டமன்றத் தேர்தலில் ஸ்டாலின் மேற்கொள்ள உள்ள பிரச்சார பயணத்திட்ட விவரங்களும் இனி வரும் நாட்களில் அந்த செயலியில் இணைக்கப்பட உள்ளது.
திமுக தொண்டர்கள் தங்கள் பிறந்தநாள் தேதியை குறிப்பிட்டு பெயரை பதிவு செய்தால் அவர்களுக்கு பிறந்தநாளன்று ஸ்டாலினிடம் இருந்து வாழ்த்துக்கடிதம் வரும் வகையில் இந்த செயலி வடிவமைக்கப்பட்டுள்ளது. மேலும், கட்சிக்கு அப்பாற்பட்டு பொதுமக்கள் இந்த செயலி மூலம் மு.க.ஸ்டாலின் அலுவலகத்தை எளிதாக தொடர்பு கொள்ள முடியும் எனத் தெரிவிக்கப்பட்டுள்ளது.
அதுமட்டுமல்லாமல் ஸ்டாலினை சந்திக்க விரும்புவர்கள் ஸ்டாலின் அணி செயலியில் தங்கள் விவரத்தை பதிவு செய்தால் அதன் மூலம் ஸ்டாலினை சந்திப்பதற்கான வாய்ப்பும் வழங்கப்படவிருக்கிறது. STALIN ANI செயலி அறிமுகம் செய்யப்பட்ட இரண்டு நாட்களில் ஆயிரக்கணக்கானோர் இதனை பதிவிறக்கம் செய்திருப்பது குறிப்பிடத்தக்கது.
Click it and Unblock the Notifications
Sign in with Google