பெட்ரோல் விலை லிட்டருக்கு ரூ 5-ம், டீசல் விலை ரூ 4-ம் குறைப்பு.. வாகன ஓட்டிகளை குளிர்வித்த திமுக
சென்னை: பெட்ரோல் டீசல் குறைக்கப்படும் என திமுக தேர்தல் அறிக்கையில் அறிவிக்கப்பட்டுள்ளது வாகன ஓட்டிகளின் வயிற்றில் பால் வார்த்து போல் உள்ளது.
தேர்தல் என்றாலே வேட்பாளர்கள், தொகுதிகள் ஆகியவற்றை காட்டிலும் தேர்தல் அறிக்கைதான் கதாநாயகன். அந்த வகையில் வேட்பாளர்கள், தொகுதிகள் திமுக சார்பில் அறிவிக்கப்பட்ட போதிலும் தேர்தல் அறிக்கை எதிர்பார்க்கப்பட்டது.
அந்த வகையில் இன்றைய தினம் அண்ணா அறிவாலயத்தில் இந்த அறிக்கை வெளியானது. அதில் ஸ்டாலின் கூறுகையில் திமுக ஆட்சிக்கு வந்ததும் பெட்ரோல் விலை லிட்டருக்கு ரூ 5 குறைக்கப்படும்.
அது போல் டீசல் விலையும் லிட்டருக்கு ரூ 4 குறைக்கப்படும் என அறிவித்துள்ளார். அண்மைக்காலமாக பெட்ரோல், டீசல் விலை அதிகரிக்கப்படுவதால் வாகன ஓட்டிகள் அவதிப்பட்டு வருகிறார்கள்.
இந்த நிலையில் எரிபொருள் விலை குறைக்கப்படும் என திமுக அதிரடியாக அறிவித்துள்ளது வாகன ஓட்டிகளின் வயிற்றில் பால் வார்க்கும் செயலாகவே பார்க்கப்படுகிறது.
Click it and Unblock the Notifications
Sign in with Google