தொகுதி மாறணுமோ! எனக்கு பயமா இருக்கு! கிருத்திகா பற்றி திடீரென பேசிய உதயநிதி ஸ்டாலின்.. என்னாச்சு?

Published: Monday, April 4, 2022, 10:15 [IST]

Subscribe to Oneindia Tamil

சென்னை: சென்னையில் நடந்த நிகழ்ச்சி ஒன்றில் தனது மனைவி கிருத்திகா உதயநிதி குறித்து திமுக எம்எல்ஏ உதயநிதி ஸ்டாலின் பேசியது வைரலாகி வருகிறது.

உதயநிதி ஸ்டாலின்

விழிப்புணர்வை ஏற்படுத்தும் வகையில் அவர் வீடியோவை வெளியிட்டு இருந்தார். பொது கழிப்பறைகளை சுத்தமாக வைத்திருத்தல், பொது இடங்களில் மலம், சிறுநீர் கழிப்பதை தவிர்த்தல் உள்ளிட்ட பல்வேறு விஷயங்களை பேசும் வகையில் இந்த விழிப்புணர்வு வீடியோ அமைந்து இருந்தது. இந்த நிலையில் நேற்று கக்கூஸ் என்ற செயலியை உதயநிதி ஸ்டாலின் சென்னை மக்களின் பயன்பாட்டிற்காக தொடங்கி வைத்தார்.

மயிலாப்பூர் நிகழ்ச்சி

மயிலாப்பூரில் நடைபெற்ற இந்த நிகழ்ச்சியில் பேசிய உதயநிதி ஸ்டாலின், சேப்பாக்கம் தொகுதியில் என் மனைவி கிருத்திகா சிறப்பாக செயல்பட்டு வருகிறார். என்னை விட சேப்பாக்கம் தொகுதியில் அவர்தான் அதிகம் சுற்றிக்கொண்டு இருக்கிறார். ஒரு சின்ன பயமும் எனக்கு இருக்கிறது. அடுத்த தேர்தலில் நான் தொகுதி மாற வேண்டிய நிலை ஏற்படுமோ என்ற பயம் இருக்கிறது.

கிருத்திகா உதயநிதி

நான் வேறு ஏதாவது தொகுதிக்கு மாற வேண்டுமோ என்ற பயம் உள்ளது. அந்த அளவிற்கு சிறப்பாக பணிகளை செய்து வருகிறது. தொகுதியில் என்னை விட சிறப்பாக அவர்தான் செயல்படுகிறார். நான் இப்படி பேசுகிறேன் என்றதும், அவர் என்னை கீழே இருந்து பார்த்து முறைத்துக்கொண்டு இருக்கிறார், என்று உதயநிதி கிண்டலாக குறிப்பிட்டார். இந்த நிகழ்வில் கிருத்திகா உதயநிதியும் கலந்து கொண்டார்.

அரசியல் இல்லை

உதயநிதி இதை கிண்டலாக குறிப்பிட்டு இருந்தாலும், கிருத்திகா உதயநிதி அரசியலில் களமிறங்குகிறாரா என்று நெட்டிசன்கள் சிலர் கேள்வி எழுப்பி உள்ளனர். கிருத்திகா உதயநிதி இதுவரை அரசியல் தொடர்பாக பேசியது இல்லை. அவர் தற்போது இயக்குனராக இருக்கிறார். காளி, வணக்கம் சென்னை உள்ளிட்ட படங்களை இவர் இயக்கி உள்ளது குறிப்பிடத்தக்கது.

Published On April 4, 2022