ஜனவரி 10ஆம் தேதி திமுக எம்.எல்.ஏ.க்கள் கூட்டம்! முக்கிய அறிவுரைகள் வழங்கும் முதல்வர் ஸ்டாலின்!

சென்னை: ஜனவரி 10ஆம் தேதி திமுக எம்.எல்.ஏ.க்கள் கூட்டம் நடைபெறும் என அக்கட்சியின் சட்டமன்ற கொறடா கோவி செழியன் அறிவித்துள்ளார்.

சென்னை அண்ணா அறிவாலயத்தில் உள்ள கலைஞர் அரங்கத்தில் முதலமைச்சர் ஸ்டாலின் தலைமையில் இந்தக் கூட்டம் நடைபெறும் எனத் தெரிவித்துள்ளார்.

இது தொடர்பாக அவர் விடுத்துள்ள அறிவிப்பில் கூறியிருப்பதாவது;

''மாண்புமிகு முதல்வர் தலைவர் மு.க.ஸ்டாலின் அவர்கள் தலைமையில், திமுக சட்டமன்ற உறுப்பினர்கள் கூட்டம் 10.01.2023 செவ்வாய்கிழமை காலை 11 மணிக்கு சென்னை, அண்ணா அறிவாலயம், கலைஞர் அரங்கில் நடைபெறும்.''

''அதுபோது கழக சட்டமன்ற உறுப்பினர்கள் அனைவரும் தவறாது கலந்துகொள்ளுமாறு கேட்டுக்கொள்கிறேன்.'' இவ்வாறு கொறடா கோவி செழியன் தெரிவித்துள்ளார்.

ஜனவரி 9ஆம் தேதி ஆளுநர் உரையுடன் சட்டசபை தொடங்கும் நிலையில் ஜனவரி 10ஆம் தேதி நடைபெறும் திமுக எம்.எல்.ஏ.க்கள் கூட்டத்தில் முதல்வர் சில முக்கியமான அறிவுரைகளை வழங்குவார் எனத் தெரிகிறது.

சபையின் மாண்பை காப்பது குறித்தும், ஆளுநர் உரை மீதான விவாதங்களில் பங்கேற்பது பற்றியும் இந்தக் கூட்டத்தில் விரிவாக பேசப்படும் எனத் தெரிகிறது.

இதனிடையே திமுகவை போலவே அதிமுகவும் சட்டமன்ற உறுப்பினர்கள் கூட்டத்தை வரும் 8ஆம் தேதி மாலை நடத்தக்கூடும் என எதிர்பார்க்கப்படுகிறது.

English summary

DMK MLAs' meeting will be held on January 10, the party's legislative whip Govi Chezhian has announced.