திராவிடத்தை இழிவாக விமர்சித்தால் அப்படி சொல்லுங்க.. திமுக அப்துல்லா எம்.பி. ட்வீட்டால் ரணகளம்!
சென்னை: சமூக வலைதலங்களில் திமுக மற்றும் திராவிடர் இயக்க ஆதரவாளர்களை திராவிடியா என விமர்சித்தால் பதிலுக்கு தேசிடியா என விமர்சிக்க வேண்டும் என திமுக எம்.பி. எம்.எம்.அப்துல்லா பதிவிட்டிருப்பது விவாதத்துக்குரியதாகி உள்ளது.
தமிழக அரசியல் களம், சமூக வலைதளங்களில் திராவிடர் இயக்கம், திராவிட கட்சிகள், திராவிட சித்தாங்களை இரு பிரிவினர் கடுமையாக எதிர்த்து வருகின்றனர். நாம் தமிழர் கட்சியினர் மற்றும் பாஜக உள்ளிட்ட வலதுசாரிகள்.
வலதுசாரிகள் வசை
இந்த இரு பிரிவினரும் திராவிடர் இயக்க ஆதரவாளர்களை இழிவாக திராவிடியா எனும் சொல்லில் வசைபாடி வருகின்றனர். தமிழ்த் தேசியம் பேசிய சக்திகள் பயன்படுத்தி வந்த இந்த சொல்லை இப்போது வலதுசாரிகள் கைகளில் எடுத்துள்ளனர். இதனால் எந்த ஒரு ட்வீட் பதிவு போட்டாலும் திராவிடியா என்ற சொல்லுக்குள் பதுங்கிக் கொண்டு வலது சாரிகள் வசைபாடி வருகின்றனர்.
திமுக கொந்தளிப்பு
திராவிடியா என்ற சொல்லை அண்மையில் ஒரு நடிகை பயன்படுத்தி இருந்தது பெரும் சர்ச்சையானது. இதற்கு திமுக தரப்பில் அடுத்தடுத்து பதில் தரப்பட்டது. அதற்கும் அசராத அந்த வலதுசாரி நடிகை, திராவிடியா சொல்லை விடாமல் பிடித்து தொங்கினார். இதனால் சமூக வலைதளங்களில் அவருக்கு கடும் கண்டனங்கள் தெரிவிக்கப்பட்டன. திமுக செய்தித் தொடர்பாளர் ராஜீவ் காந்தி, உங்களுக்கு வாய்க் கொழுப்பு ரொம்ப அதிகம்தான்! 2 ஆயிரம் ஆண்டுகால உயர்சாதி திமிர் என ஆவேசப்பட்டார்.
தொடரும் திராவிடர் இயக்கம் மீதான வசை
இத்தனைக்கும் பிறகும் திமுகவை விமர்சிக்க திராவிடியா என்ற சொல்லை மட்டுமே வலதுசாரிகள் பயன்படுத்துவதை வழக்கமாக வைத்து வருகின்றனர். தற்போது திமுக ராஜ்யசபா எம்.பி. எம்.எம்.அப்துல்லா இதற்கு பதிலடி தரும் வகையில் ஒரு ட்விட்டர் பதிவை வெளியிட்டுள்ளார். அப்துல்லா எம்.பி.யின் இந்த பதிவு இப்போது விவாதப் பொருளாகி இருக்கிறது.
அப்துல்லா எம்.பி. ட்வீட்
எந்த சங்கியாவது திராவிடியானு சொன்னா பதிலுக்கு தேசிடியானு சொல்லுங்க. அவன் நல்ல அர்த்தத்தில் சொன்னா நம்ம சொல்றதும் நல்ல அர்த்த்தம் ஆகட்டும். அவன் கெட்ட அர்த்ததில் சொன்னா நம்ம சொல்றதும் கெட்ட அர்த்தம் ஆகட்டும் #தேசிடியா என்பதுதான் திமுக எம்.பி. அப்துல்லாவின் இந்த பதிவு. இப்பதிவை திமுகவினர் அதிகம் பகிர்ந்து வருகின்றனர். அதேநேரத்தில் வழக்கம் போல வலதுசாரிகள் கச்சேரி கட்டி வருகின்றனர்.
Click it and Unblock the Notifications
Sign in with Google