திமுக 2- வது கட்ட வேட்பாளர் பட்டியல் வெளியீடு- அதிமுகவின் 3-வது லிஸ்ட் ரிலீஸ்

சென்னை: நகர்ப்புற உள்ளாட்சித் தேர்தலுக்கான திமுகவின் 2-வது கட்ட வேட்பாளர் பட்டியல் வெளியிடப்பட்டுள்ளது. மேலும் அதிமுக 3-வது வேட்பாளர் பட்டியலை வெளியிட்டுள்ளது.

தமிழகத்தில் நகர்ப்புற உள்ளாட்சித் தேர்தல் பிப்ரவரி 19-ந் தேதி நடைபெறுகிறது. திமுக தலைமையிலான கூட்டணியில் மாவட்ட அளவில் கூட்டணி கட்சிகளுக்கு இடங்கள் ஒதுக்கப்பட்டு வருகின்றன.

பெரும்பாலான மாவட்டங்களில் திமுக கூட்டணியில் இடப்பங்கீடு சுமூகமாக முடிந்துள்ளது. கரூர் உள்ளிட்ட சில மாவட்டங்களில் திமுக அணியில் சலசலப்புகள் ஏற்பட்டன.

இந்நிலையில் திமுக தமது முதல் கட்ட வேட்பாளர் பட்டியலை இன்று இரவு முதலில் வெளியிட்டது. விழுப்புரம் (மத்திய மாவட்டம்), தஞ்சை வடக்கு மாவட்டம், தூத்துக்குடி வடக்கு மாவட்டம், காஞ்சிபுரம் தெற்கு மாவட்டம் ஆகியவற்றுக்குட்பட்ட மாநகராட்சி, நகராட்சி, பேரூராட்சி வார்டுகளின் வேட்பாளர்கள் முதல் பட்டியலில் இடம்பெற்றுள்ளது. இதனைத் தொடர்ந்து இரவு 9 மணியளவில் 2-வது கட்ட வேட்பாளர் பட்டியலையும் திமுக வெளியிட்டது.

இதேபோல் அதிமுக 3-வது கட்ட வேட்பாளர் பட்டியலை வெளியிட்டுள்ளது. அதிமுகவின் 3-வது கட்ட வேட்பாளர் பட்டியலில் முன்னாள் அமைச்சர் சி.சீனிவாசன் மகன் சி.எஸ்.ராஜ்மோகன், முன்னாள் மேயர் மருதராஜின் மகன் வீரமார்பன் உள்ளிட்டோருக்கு வாய்ப்பு வழங்கப்பட்டுள்ளது.

English summary

DMK has released first list of candidates for the Urban local body election 2022.