நடிக்க வராமல் இருந்திருந்தால் விஜயகாந்த் என்ன செய்திருப்பார் தெரியுமா? அவரே சொன்ன பதில்! ஃப்ளாஷ்பேக்
சென்னை: தேமுதிக தலைவர் விஜயகாந்த் உடல்நலக் குறைவால் சென்னை மியாட் மருத்துவமனையில் அனுமதிக்கப்பட்டுள்ள நிலையில் அவரது ரசிகர்களும், கட்சி நிர்வாகிகளும் விஜயகாந்த் உடல்நலம் பெற வேண்டி சிறப்பு வழிபாடுகள் நடத்த ஆரம்பித்துள்ளனர்.
சினிமா, அரசியல் என இரண்டு துறைகளிலும் தனக்கென தனி வரலாறை உருவாக்கிய விஜயகாந்த், ஒரு வேளை நடிக்க வராமல் இருந்திருந்தால் என்ன செய்திருப்பார் என்ற கேள்விக்கு அவரே பல பேட்டிகளில் பதிலையும் சொல்லியிருக்கிறார். தனக்கு மட்டும் சினிமாவில் சான்ஸ் கிடைக்காமல் போயிருந்தால் மீண்டும் மதுரைக்கே திரும்பி தங்கள் ரைஸ் மில்லை தொடர்ந்து கவனித்திருப்பேன் எனத் தெரிவித்துள்ளார்.
அதேபோல் சினிமாவோடு போதும் அரசியல் எதற்கு என்ற எண்ணத்தில் தான் 1999ஆம் ஆண்டு வரை இருந்திருக்கிறார் விஜயகாந்த். அதன் பிறகு தான் அரசியலில் காலடி வைக்க வேண்டும் என்ற விருப்பம் அவருக்கு வந்தது என்பது குறிப்பிடத்தக்கது. ஆக்டிவாக இருந்தவரை மதுரையில் அழகர் கோவிலுக்கும், சென்னையில் வடபழனி முருகன் கோயிலுக்கும், திருவேற்காடு கருமாரியம்மன் கோயிலுக்கும் மன நிம்மதிக்காக அடிக்க செல்லும் வழக்கம் கொண்டவர் விஜயகாந்த். உடல்நலம் தளர்ந்த பிறகு தான் அவர் இந்த கோயில்களுக்கு செல்வதில்லை. ஆனால் அங்கிருந்தெல்லாம் விஜயகாந்துக்கு பிரசாதம் வந்துவிடும்.
விஜயகாந்தை பொறுத்தவரை படிப்பதற்கு நேரம் இருக்கிறதோ இல்லையோ புத்தகங்களை நிறைய வாங்கி வைத்துகொள்ளும் வழக்கம் உடையவர். ஆரம்பக்காலங்களில் ஷூட்டிற்கு நடுவே கிடைக்கும் ஓய்வின் போது நண்பர்களுடன் அரட்டை அடித்து பொழுதை கழிப்பாரே தவிர எப்போதுமே தன்னை தனிமைப்படுத்திக் கொள்ளமாட்டார். அதேபோல் விஜயகாந்தை பற்றி சொல்ல வேண்டிய மிக முக்கிய தகவல் என்னவென்றால் செண்டிமென்ட் பார்க்கமாட்டார்.
ஆன்மிகத்தில் ஈடுபாடு இருந்தாலும் நல்ல நேரம், கெட்ட நேரம், நாள், நட்சத்திரம் என செண்டிமெண்ட் பார்க்கும் பழக்கம் இல்லாதவர் விஜயகாந்த். தமிழ்நாட்டில் உள்ள பல அரசியல் தலைவர்கள் கட்சி தொடங்கி 30 ஆண்டுகளுக்கு மேலாகியும் கட்சி ஆரம்பித்த 8 ஆண்டுகளில் தமிழகத்தின் பிரதான எதிர்க்கட்சித் தலைவராக வந்து அமர்ந்தார் விஜயகாந்த். இன்றைய ஆளுங்கட்சியான திமுகவை விட 2011ல் கூடுதல் சட்டமன்ற உறுப்பினர்களை வைத்திருந்தவர் விஜயகாந்த்.
Click it and Unblock the Notifications
Sign in with Google