சங்கரய்யாவுக்கு டாக்டர் பட்டம்! கடைசி வரை மனம் இறங்காத ஆளுநர் ரவி! மனுஷன் மறைந்தேவிட்டார்!
சென்னை: கௌரவ டாக்டர் பட்டம் வழங்க ஆளுநர் ரவி கடைசி வரை ஒப்புதல் தராத நிலையில் சங்கரய்யா அவரது 102வது வயதில் காலமாகி விட்டார்.
சங்கரய்யாவுக்கு கௌரவ டாக்டர் வழங்கப்படும் என முதலமைச்சர் மு.க.ஸ்டாலின் கடந்த ஜூலை மாதம் அறிக்கையொன்றின் வாயிலாக தெரிவித்திருந்தார். அதன்படி, தோழர் சங்கரய்யாவுக்கு டாக்டர் பட்டம் வழங்க மதுரை காமராஜர் பல்கலைக்கழக ஆட்சி மன்ற குழு தீர்மானம் நிறைவேற்றியது. அதற்கு அனுமதி வழங்க கோரி ஆளுநருக்கு அனுப்பியும் வைக்கப்பட்டது.
ஆனால் ஏனோ தெரியவில்லை, சங்கரய்யாவுக்கு கௌரவ டாக்டர் பட்டம் வழங்க ஆளுநர் ரவி கடைசி வரை ஒப்புதல் கொடுக்கவே இல்லை. டாக்டர் பட்டம் வாங்குவதற்கு தேவையான எல்லா தகுதிகளும் சங்கரய்யாவுக்கு இருந்தும், ஆளுநர் மறுப்பு தெரிவித்தது ஏன் என்பதற்கான காரணத்தை இதுவரை வெளியிடவில்லை. சங்கரய்யாவுக்கு வழங்காத டாக்டர் பட்டத்தை வேறு யாருக்கு அளிக்கப் போகிறார் ஆளுநர் என்பதும் தெரியவில்லை.
சங்கரய்யாவுக்கு டாக்டர் பட்டம் வழங்க வேண்டும் என்றும் ஒப்புதல் அளிக்காதது ஏன் என்பது பற்றியும் ஆளுநர் மாளிகை தான் விளக்கம் அளிக்க வேண்டும் எனவும் பாஜக மாநிலத் தலைவர் அண்ணாமலையே அண்மையில் தெரிவித்திருந்தார். சங்கரய்யாவை பொறுத்தவரை தமிழ்நாட்டு மக்களின் நலனுக்காக போராடியவர் எனவும் அவரே குறிப்பிட்டிருந்தார்.
அதேபோல் சங்கரய்யா என்பவர் வாழும் வரலாறு என்றும் அவருக்கு டாக்டர் பட்டம் அளிக்கும் விவகாரத்தில் ஆளுநர் தனது முடிவை மறுபரிசீலனை செய்ய வேண்டும் எனவும் கல்லூரி ஆசிரியர் கூட்டு நடவடிக்கை குழு கோரிக்கை விடுத்திருந்தது. சங்கரய்யாவுக்கு கெளரவ டாக்டர் பட்டம் வழங்குவதன் மூலம் மதுரை காமராசர் பல்கலைக்கழகம் வரலாற்றில் ஒரு நீங்கா புகழை நிச்சயம் பெறும் எனவும் கல்லூரி ஆசிரியர் கூட்டு நடவடிக்கை குழு தெரிவித்திருந்தது.
சங்கரய்யாவுக்கு டாக்டர் பட்டம் வழங்கும் மதுரை காமராசர் பல்கலைக்கழகத்தின் முடிவை தமிழக அரசே ஏற்றுக்கொண்ட பிறகு ஆளுநருக்கு என்ன வந்தது? என்ற கேள்வியை ஜவாஹிருல்லா, துரை வைகோ உள்ளிட்ட இன்னும் பலரும் எழுப்பியிருந்தனர். ஆனால் இது குறித்து ஆளுநர் மாளிகை தரப்பில் எந்த விளக்கமும் தரப்படவில்லை. சங்கரய்யாவுக்கு டாக்டர் பட்டம் வழங்க ஒப்புதல் அளிக்காததன் காரணத்தை இன்னும் ஆளுநர் ரவி தெரிவிக்கவில்லை.
Click it and Unblock the Notifications
Sign in with Google