நாக்பூர் ஆர்.எஸ்.எஸ். மாநாட்டில் டாக்டர் கிருஷ்ணசாமி... வெடிக்கும் சர்ச்சை

Updated: Monday, June 17, 2019, 15:57 [IST]

Subscribe to Oneindia Tamil

சென்னை: பாரதிய ஜனதா கட்சியின் தாய் அமைப்பான ஆர்.எஸ்.எஸ். இயக்கத்தின் நாக்பூர் மாநாட்டில் புதிய தமிழகம் கட்சித் தலைவர் டாக்டர் கிருஷ்ணசாமி இணைந்திருப்பது சர்ச்சையாக வெடித்துள்ளது.

பாரதிய ஜனதா கட்சியின் அனைத்து நிலைப்பாடுகளையும் கண்ணை மூடிக் கொண்டு ஆதரிப்பவர் டாக்டர் கிருஷ்ணசாமி. நீட் தேர்வு தொடங்கி அவரது இந்த நிலைப்பாடு தொடர்ந்து விமர்சனத்துக்குள்ளாகி வருகிறது.

Dr Krishnasamy attends RSS shakha in Nagpur

அண்மையில் செய்தியாளர்கள் கூட்டத்தில், பத்திரிகையாளரை பார்த்து எந்த ஜாதி என ஒருமையில் விமர்சித்ததும் சர்ச்சையானது. இந்நிலையில் நாக்பூரில் நடைபெற்ற ஆர்.எஸ்.எஸ். இயக்கத்தின் மாநாட்டில் டாக்டர் கிருஷ்ணசாமி மகனுடன் பங்கேற்றார்.

அத்துடன் ஆர்.எஸ்.எஸ். இயக்கத்தினரைப் போல நெஞ்சில் கை வைத்து உறுதிமொழியும் ஏற்றுக் கொண்டிருக்கிறார் டாக்டர் கிருஷ்ணசாமி. பின்னர் மகனுடன் சேர்ந்து ஆர்.எஸ்.எஸ். இயக்கத்தின் தலைவர் மோகன் பாகவத்தையும் கிருஷ்ணசாமி சந்தித்து பேசினார்.