பிரசாந்த் கிஷோரை முன்வைத்து கட்சிகளை செமையாக வாரிய டாக்டர் ராமதாஸ்!

சென்னை: தேர்தல் வல்லுநராக கருதப்படும் பிரசாந்த் கிஷோரை பல்வேறு அரசியல் கட்சிகள் பயன்படுத்தி வருவதை பாமக நிறுவனர் டாக்டர் ராமதாஸ் தமக்கே உரிய பாணியில் ட்விட்டரில் கலாய்த்திருக்கிறார்.

லோக்சபா மற்றும் சட்டசபை தேர்தல் களங்களில் பிரசாந்த் கிஷோர் பெயர் அடிபடாமல் இருப்பது இல்லை. மோடி, நிதிஷ்குமார், மு.க.ஸ்டாலின் என பலரது அரசியல் பயணங்களுக்கு வியூகம் வகுத்து கொடுத்து வெற்றி பெற்றவராக பார்க்கப்படுகிறார் பிரசாந்த் கிஷோர்.

இத்தனைக்கும் தற்போது ஐக்கிய ஜனதா தளத்தின் துணை தலைவராகவும் இருக்கிறார் பிரசாந்த் கிஷோர். ஆனாலும் மேற்கு வங்க முதல்வர் மமதா பானர்ஜி, தமிழக முதல்வர் எடப்பாடி, மக்கள் நீதி மையத்தின் தலைவர் கமல்ஹாசன் ஆகியோர் பிரசாந்த் கிஷோரின் உதவியை நாடியிருக்கின்றனர்.

கொல்கத்தாவுக்கு சென்று மமதாவை தொடர்ந்து சந்தித்து பேசி வருகிறார் பிரசாந்த் கிஷோர். அதேபோல் சென்னைக்கு வருகை தந்து கமல்ஹாசனையும் பிரசாந்த் கிஷோர் ஆலோசனை நடத்தியிருந்தார்.

இப்படி பல்வேறு அரசியல் கட்சிகளும் பிரசாந்த் கிஷோர் பக்கமாக சென்று கொண்டிருப்பதைத்தான பாமக நிறுவனர் டாக்டர் ராமதாஸ் தமது ட்விட்டர் பக்கத்தில் ஒரு உரையாடல் மூலமாக கிண்டலடித்திருக்கிறார்.

டாக்டர் ராமதாஸின் ட்விட்டர் பதிவு:

ஒரு உரையாடல்:

‘‘அண்ணே... எங்கண்ணே போறீங்க?’’

‘‘ அட... அது ஒன்னும் இல்லப்பா.... இந்த பிரஷாந்த் கிஷோரை பார்த்துட்டு வரலாம்னு தான் போறேன்’’

— Dr S RAMADOSS (@drramadoss) September 24, 2019

ஒரு உரையாடல்:

''அண்ணே... எங்கண்ணே போறீங்க?''

'' அட... அது ஒன்னும் இல்லப்பா.... இந்த பிரஷாந்த் கிஷோரை பார்த்துட்டு வரலாம்னு தான் போறேன்''

இப்படி டாக்டர் ராமதாஸ் பதிவிட்டுள்ளார்.

English summary

PMK Founder Dr Ramadoss tweets that political strategist Prashant Kishor.