கிராமப்புற தொழில் வளர்ச்சிக்காக கடன் அளிக்கும் Dvara KGFS நிறுவனத்திற்கு புதிய சிஇஓ நியமனம்

சென்னை: கிராமங்களில் தொழில் புரிவதற்காக உருவாக்கப்பட்ட தனியார் நிதி சேவையின் தலைமை நிர்வாக இயக்குநராக மூர்த்தி இன்று முதல் நியமிக்கப்பட்டுள்ளார்.

Dvara KGFS (Dvara Kshetriya Gramin Financial Services Private Limited) என்பது நிதி சேவை புரியும் தனியார் நிறுவனமாகும். இது கடந்த 2008 ஆம் ஆண்டு தொடங்கப்பட்டது. இவர்களுக்கு 1.16 மில்லியன் வாடிக்கையாளர்கள் உள்ளனர். இதுவரை 6 மாநிலங்களில் உள்ள கிராம மக்களுக்கு இவர்கள் கடன் வழங்கியுள்ளார்கள்.

இது வரை 17 ஆயிரம் கிராமங்களில் இவர்களது சேவையை பெற்று பயனடைந்துள்ளார். இதுவரை கிராமப்புற மக்கள் தொழில் தொடங்குவதற்காக ரூ 5,335.9 கோடி ரூபாயை கடனாக அளித்துள்ளனர்.

இந்த நிறுவனத்தின் முக்கிய விஷயமே திட்டமிட்டு வாழ்க்கை பாதுகாப்பாக முன்னேறி சொந்த காலில் நிற்பதாகும். கிராமப்புறங்களில் இந்த நிறுவனத்தில் கடன் பெற்றவர்கள் இன்று நிறைவான வாழ்வை வாழ்ந்து வருகிறார்கள். தமிழகம், ஒடிஸா, உத்தரகண்ட், ஜார்க்கண்ட், சத்தீஸ்கர், கர்நாடகா ஆகிய மாநிலங்களில் இவர்களுக்கான வாடிக்கையாளர்கள் உள்ளன.

எங்கோ தொலைதூர கிராமத்தில் மூலை முடுக்கில் உள்ளவர்களும் பயன்பெறும் வகையில் இந்த நிறுவனம் கடன் வழங்கி வருகிறது. இந்த நிறுவனத்தின் தலைமை நிர்வாக இயக்குநராக மூர்த்தி நியமிக்கப்பட்டுள்ளார்.

இவர் ஏற்கெனவே சிஇஓவாக இருந்த ஜோபியிடம் இருந்து பொறுப்புகளை பெற்றுக் கொண்டார். மூர்த்தி இந்த நிறுவனத்தில் தலைமை வர்த்தக அதிகாரியாக கடந்த 2016 ஆம் ஆண்டு பணிக்கு சேர்ந்தார். சுமார் 24 ஆண்டுகள் நிதி துறையில் அனுபவம் கொண்ட இவர், 2019 ஆம் ஆண்டு துணை தலைமை நிர்வாக இயக்குநராக நியமிக்கப்பட்டார்.

மேற்கண்ட 6 மாநிலங்களில் 308 கிளைகளை கொண்டுள்ளது இந்த தனியார் நிதி நிறுவனம்.

English summary

Dvara KGFS today, announced the appointment of Mr. LVLN Murty as the CEO, effective September 1, 2021.