சேமிப்பு + முதலீடு = செல்வம்.. லோன் வேண்டாம்! குழந்தையின் கல்விக்காக இப்போதே SIPயில் முதலீடு செய்யுங்க

சென்னை: குழந்தையின் கல்விக்காக சேமிக்க விரும்புகிறீர்களா, அப்படியென்றால் இப்போதே எஸ்ஐபியில் முதலீடு செய்யுங்கள்.

சிறுதுளி பெருவெள்ளம் என்பார்கள். அந்த வகையில் நாம் சம்பாதிக்கும் காசில் ஒரு பங்கையாவது சேமித்து வைக்க வேண்டும். stock எனப்படும் கையிருப்பு என்பது மிகவும் முக்கியமானது.

குழந்தைகளின் கல்வி, உயர்கல்வி, திருமணம், வீடு வாங்குதல், வெளியூர், வெளிநாடுகளுக்கு சுற்றுலா செல்லுதல், கார் வாங்குதல் என ஒவ்வொருவருக்கும் ஒரு கனவு இருக்கும். அரசு பணியாளர்களுக்கு ஓய்வூதியம் கிடைக்கும். ஆனால் தனியார் பணியாளர்களுக்கு?

எனவே நாம் வாங்கும் ஊதியத்தில் நம்மால் முடிந்த தொகையை சேமிக்க வேண்டும். இதற்காக எஸ்ஐபி எனப்படும் systematic investment plans இல் முதலீடுகளை செய்யலாம். இதுகுறித்து பொருளாதார நிபுணர் கே. ராஜேஷ் மூர்த்தி தனது எக்ஸ் வலைதளத்தில் கூறியிருப்பதாவது: உங்களது குறுகியகால மற்றும் நீண்டகால தேவைகளை SIP மூலமாக நிறைவேற்றிக்கொள்ள எவ்வளவு முதலீடு செய்ய வேண்டும்?

ஒரு சிறிய ready-reckoner...

சேமிப்பு + முதலீடு = செல்வம்.

முதலில் குழந்தை கல்விக்கான லட்சியத்தை அடைய

SIP யில் மாதம் 10 ஆயிரம் 10 ஆண்டுகளுக்கு முதலீடு செய்தால் உங்களுக்கு 25 லட்சம் ரூபாய் கிடைக்கும்.

SIP யில் மாதம் 8 ஆயிரம் 12 ஆண்டுகளுக்கு முதலீடு செய்தால் உங்களுக்கு 35 லட்சம் ரூபாய் கிடைக்கும்.

SIP யில் மாதம் 7 ஆயிரம் 15 ஆண்டுகளுக்கு முதலீடு செய்தால் உங்களுக்கு 42 லட்சம் ரூபாய் கிடைக்கும்.

அது போல் கார் வாங்க வேண்டும் என்ற கனவை நனவாக்க வேண்டுமா

SIP யில் மாதம் 9 ஆயிரம் 6 ஆண்டுகளுக்கு முதலீடு செய்தால் உங்களுக்கு தோராயமாக 10 லட்சம் ரூபாய் கிடைக்கும்.

SIP யில் மாதம் 9 ஆயிரம் 8 ஆண்டுகளுக்கு முதலீடு செய்தால் உங்களுக்கு தோராயமாக 15 லட்சம் ரூபாய் கிடைக்கும்.

SIP யில் மாதம் 20 ஆயிரம் 6 ஆண்டுகளுக்கு முதலீடு செய்தால் உங்களுக்கு தோராயமாக 22 லட்சம் ரூபாய் கிடைக்கும்.

விடுமுறையில் வெளிநாடு செல்ல வேண்டுமா

SIP யில் மாதம் 13 ஆயிரம் 4 ஆண்டுகளுக்கு முதலீடு செய்தால் உங்களுக்கு தோராயமாக 8 லட்சம் ரூபாய் கிடைக்கும்.

SIP யில் மாதம் 16 ஆயிரம் 4 ஆண்டுகளுக்கு முதலீடு செய்தால் உங்களுக்கு தோராயமாக 10 லட்சம் ரூபாய் கிடைக்கும்.

ஓய்வு பெற்றவுடன் உங்கள் செலவுக்கு பணம் சேமிக்க

SIP யில் மாதம் 16 ஆயிரம் 20 ஆண்டுகளுக்கு முதலீடு செய்தால் உங்களுக்கு தோராயமாக 2 கோடி ரூபாய் கிடைக்கும்.

SIP யில் மாதம் 20 ஆயிரம் 25 ஆண்டுகளுக்கு முதலீடு செய்தால் உங்களுக்கு தோராயமாக 5 கோடி ரூபாய் கிடைக்கும்.

SIP யில் மாதம் 20 ஆயிரம் ரூபாய் 30 ஆண்டுகளுக்கு முதலீடு செய்தால் உங்களுக்கு தோராயமாக 11 கோடி ரூபாய் கிடைக்கும்.

இவ்வாறு ராஜேஷ் குறிப்பிட்டுள்ளார். மேலும் இது முற்றிலும் மியூச்சுவல் ஃபண்டில் முதலீடு செய்யுங்கள் என ஆலோசனை வழங்குவதற்காக அல்ல, இருக்கும் யதார்த்தங்களை சொல்கிறோம். அதில் முடிவு எடுத்துக் கொள்வது நீங்கள்தான். அதற்கான ரிஸ்க் காரணிகளையும் தெரிந்து கொண்டு முதலீடு செய்யுங்கள். முதலீடு செய்யும் முன்பு ஆவணங்களை நன்கு படித்து பாருங்கள் என்றும் அறிவுரை வழங்கியுள்ளார்.

English summary

Economic experts says about long term goal for Child education and retirement goal.