திமுகவுக்கு எதிரான அதிமுகவின் 'டிவி' விளம்பரங்களுக்கு தடை.. தேர்தல் ஆணையம் அதிரடி

சென்னை: திமுகவுக்கு எதிராக தொலைக்காட்சிகளில் அதிமுக வெளியிட்ட தேர்தல் விளம்பரங்களை ஒளிபரப்ப தடை விதித்து தேர்தல் ஆணையம் உத்தரவிட்டுள்ளது.

மக்களவை தேர்தல் மற்றும் சட்டமன்ற இடைத்தேர்தல் தமிழகத்தில் இன்னும் நான்கு நாட்களில் நடக்க உள்ளது. வரும் 18ம் தேதி தமிழகத்தின் தலை எழுத்தையும், இந்தியாவின் தலை எழுத்தையும் தீர்மானிக்கும் தேர்தல் தமிழகத்தில் நடக்க உள்ளது.

இந்த தேர்தலில் வெற்றி பெறவதற்காக திமுக மற்றும் அதிமுக இடையே மிகப்பெரிய பிரச்சார யுத்தம் நடந்து வருகிறது. அதிமுகவிற்கு எதிராக திமுகவும், திமுகவுக்கு எதிராக அதிமுகவும் தொலைக்காட்சிளில் விளம்பரங்களை ஒளிபரப்பி வருகின்றன.

இந்நிலையில் திமுகவின் அமைப்புச் செயலாளர் ஆர்எஸ் பாரதி தமிழக தலைமை தேர்தல் ஆணையரிடம் புகார் ஒன்றை அளித்திருந்தார். அந்த புகாரில் திமுகவுக்கு எதிராக அதிமுகவினர் வெளியிடும் தேர்தல் விளம்பரங்களில் விதிமீறல் இருப்பதாகவும், எனவே அத்தகைய விளம்பரங்களுக்கு தடை விதிக்க வேண்டும் என்றும் வலியுறுத்தி இருந்தார்.

இந்த புகாரை ஏற்று தமிழக தேர்தல் ஆணையம், திமுகவிற்கு எதிராக தொலைக்காட்சிகளில் வீதிமீறலுடன் வெளியிடப்பட்டுள்ள அதிமுகவின் விளம்பரங்களை ஒளிபரப்ப தடை விதித்து உத்தரவு பிறப்பித்துள்ளது. விதிமீறலுக்கு உள்ளான திமுகவுக்கு எதிரன தேர்தல் விளம்பரங்களை தடையை மீறி தொடர்ந்து ஒளிபரப்பினால் நடவடிக்கை எடுக்கப்படும் என்றும் தேர்தல் ஆணையம் அறிவித்துள்ளது.

English summary

Tamil Nadu: Election commission ban aiadmk's tv advertisement against DMK