ஓபிஎஸ் அணி தாவிய 24 மணி நேரத்திற்குள்.. அதிமுகவிலிருந்து நீக்கப்பட்டார் மைத்ரேயன்.. இபிஎஸ் அதிரடி
சென்னை: அதிமுகவிலிருந்து முன்னாள் எம்பி மைத்ரேயன் நீக்கப்பட்டதாக அக்கட்சியின் இடைக்கால பொதுச் செயலாளர் எடப்பாடி பழனிசாமி அறிவித்துள்ளார்.
அதிமுக முன்னாள் எம்பியான மைத்ரேயன், மறைந்த முன்னாள் முதல்வர் ஜெயலலிதா மறைவுக்கு பின்னர் அதிமுக இரண்டாக பிரிந்த போது தர்மயுத்தம் நடத்திய ஓபிஎஸ் அணியில் இருந்தார்.
தர்மயுத்தம் முடிந்த பிறகு அதிமுகவின் இரு அணிகளும் ஒன்று சேர ஏதுவாக இரு தரப்பினர் பேச்சுவார்த்தையில் மைத்ரேயனும் கலந்து கொண்டார். இதையடுத்து அதிமுகவின் இரு அணிகளும் இணைந்த பிறகு தனது ட்விட்டரில் அணிகள் மாறினாலும் முகங்கள் மாறவில்லை என சூசகமாக ஒரு கருத்தை தெரிவித்திருந்தார்.
எடப்பாடி பழனிசாமி
இதைத் தொடர்ந்து எடப்பாடி பழனிசாமி- ஓபிஎஸ் இடையே ஒற்றைத் தலைமை பிரச்சினை எழுந்த போது கூட ஓபிஎஸ்ஸுடனே பயணித்தார் மைத்ரேயன். இந்த நிலையில் ஓபிஎஸ் அணியினருடன் எல்லா ஆலோசனைகளிலும் கலந்து கொண்ட மைத்ரேயன், திடீரென எடப்பாடி பழனிசாமியின் கேம்பிற்கு ஜம்ப்பாகினார்.
108 நாட்கள்
பின்னர் 108 நாட்கள் கழித்து நேற்றைய தினம் மீண்டும் ஓபிஎஸ் அணிக்கு தாவியுள்ளார் மைத்ரேயன். நேற்றைய தினம் சென்னை எழும்பூரில் மாற்றுக் கட்சியினர் ஓபிஎஸ் அணியில் இணையும் விழாவில் மைத்ரேயனும் இணைந்தார். அப்போது அவர் கூறுகையில் அனைவரையும் ஒருங்கிணைத்து கட்சியை வழிநடத்தும் திறமை ஓபிஎஸ்ஸுக்கு மட்டும்தான் உள்ளது.
உடல்நிலை பாதிப்பு
எனக்கு உடல்நிலை சரியில்லாத போது ஓபிஎஸ் தொலைபேசியில் அழைத்து என்னை விசாரித்தார். பழனிசாமி அணியில் சேர்ந்த 108 நாட்களில் நான் மீண்டும் ஓபிஎஸ் அணிக்கு திரும்பியுள்ளேன் என்றார். இந்த நிலையில் இவர் ஓபிஎஸ் அணிக்கு தாவி 24 மணி நேரம் கூட ஆகியிருக்காது.
அதிமுகவிலிருந்து மைத்ரேயன் நீக்கம்
அதிமுகவிலிருந்து மைத்ரேயனை நீக்கி எடப்பாடி பழனிசாமி உத்தரவிட்டுள்ளார். இதுகுறித்து அதிமுக இடைக்கால பொதுச் செயலாளர் எடப்பாடி பழனிசாமி தனது உத்தரவில் அதிமுக அமைப்பு செயலாளர் உள்பட அனைத்து அடிப்படை உறுப்பினர் பதவியிலிருந்தும் மைத்ரேயன் நீக்கப்படுகிறார்.
Click it and Unblock the Notifications
Sign in with Google