போடு..எதிர்பாராத ட்விஸ்ட்! மீண்டும் லைம் லைட்டுக்கு வரும் ‘முறுக்கு மீசை’ ஐபிஎஸ்! அந்த கட்சி தலைவரா?

சென்னை: பல்வேறு அதிரடி நடவடிக்கைகள் எடுத்து தமிழகத்தில் மிகப் பிரபலமான காவல்துறை அதிகாரியாக வலம் வந்த ஒரு முன்னாள் ஐபிஎஸ் அதிகாரி மீண்டும் லைம் லைட்டுக்கு வந்திருக்கிறார். பிரபல தேசிய கட்சி ஒன்றின் மாநில தலைவராக அவர் நியமிக்கப்படலாம் என தகவல்கள் உலாவுகிறது. ஆனால் அது எந்த அளவுக்கு உண்மை என தெரியவில்லை..

தேர்தலில் தமிழகத்தைப் பொறுத்தவரை நான்கு முனை போட்டி நிலவிய நிலையில் தற்போது திமுக கூட்டணி பெருவெற்றி பெற்றிருக்கிறது. அந்த கூட்டணி 40க்கு 40 என தமிழகம் புதுவை தொகுதிகளில் வெற்றி பெற்றது.

இந்த கூட்டணி தவிர்த்து.. அதிமுக கூட்டணி, பாஜக கூட்டணி, நாம் தமிழர் கட்சி ஆகியவை மக்களவைத் தேர்தலில் களம் கண்டன. இந்த இரண்டு கூட்டணிகளும், நாம் தமிழர் கட்சியுமே தேர்தலில் படுதோல்வியை சந்தித்துள்ளது குறிப்பிடத்தக்கது.

முழுமையாக திமுக கூட்டணி தமிழக எதிர்க் கட்சிகளை ஸ்வீப் செய்திருக்கும் நிலையில் தாங்கள் தான் அதிக வாக்குகளை பெற்றிருக்கிறோம் கடந்த ஆண்டுகளில் இருந்ததைவிட தற்போது வாக்கு சதவீதம் அதிகரித்து இருக்கிறது என அரசியல் கட்சிகள் கூறி வருகின்றனர். குறிப்பாக பாஜகவின் வாக்கு சதவீதம் அதிகரித்துள்ளது. 2026 சட்டமன்ற தேர்தலில் பாஜக பெரும்பான்மை பெறும் என அண்ணாமலை கூறியுள்ளார். தற்போதுள்ள 11 சதவீத வாக்கு வங்கி மேலும் அதிகரிக்கும் என கூறி வருகிறார்.

ஆனால் அண்ணாமலை பொய்யான கருத்துக்களை கூறுவதாக தமிழக பாஜகவிலுள்ள மற்ற தலைவர்கள் விசுவாசிகள் சமூக வலைத்தளங்களில் கூறி வருவதை பார்க்க முடிகிறது.

தெலுங்கானா ஆளுநர் பதவியை விட்டுவிட்டு கட்சிக்காக தேர்தலை சந்தித்த தமிழிசை சௌந்தரராஜன் மத்திய அமைச்சர் பட்டியலில் இடம் பெற வாய்ப்பு இருப்பதாக கூறப்படுகிறது.

இந்த விவகாரங்கள் ஒரு புறம் இருக்க தமிழகத்தின் தலைநகரான சென்னையில் உள்ள பத்திரிகையாளர்கள் மற்றும் அரசியல் நிபுணர்கள் இடையே ஒரு புதிய தகவல் உலாவுகிறது. தேர்தல் தோல்வி காரணமாக தமிழகத்தில் உள்ள அரசியல் கட்சிகள் தலைமையில் மாற்றம் செய்யப்படவுள்ளதாக கூறப்படுகிறது. அந்த வகையில் தமிழகத்தின் பிரபலமாக பேசப்பட்டு வரும் ஒரு கட்சி தலைமை மாற்றப்படவுள்ளதாகக் கூறப்படுகிறது.

அப்படி மாற்றம் நிகழும் போது, முன்னாள் ஐபிஎஸ் அதிகாரி ஒருவர் தான் தலைவராக நியமிக்கப்படவுள்ளதாகக் கூறப்படுகிறது. ஏற்கனவே பல சம்பவங்களை செய்திருக்கும் அவர், தனது கடைசி கால பணி அனுபவத்தில் தமிழகம் முழுவதும் மிகப் பிரபலமாக இருந்தார்.

அவர் செய்திகளில் அடிபடாத நாளே கிடையாது. சூப்பர், அதிரடி, மாஸ் என அவரை தொலைக்காட்சிகளும், சமூக வலைதளங்களில் பலரும் புகழ்ந்தனர். அதன் பிறகு நீதிமன்றம் சென்ற அவர், சர்ச்சைகளோடு ஓய்வு பெற வேண்டியதானது. இந்நிலையில் தற்போது அவரது பெயர் திடீரென அரசியலில் அடிபடுகிறது.

English summary

An ex-IPS officer who has become the most popular police officer in Tamil Nadu by taking various actions is back in the lime light. Rumors are rife that he may be appointed as the state president of a prominent national party.