மின் கட்டண மாற்றம்.. யாருக்கெல்லாம் இ.பி பில் உயரப்போகிறது? இந்த 10 பாயிண்ட்ஸ்களை படிங்க!

சென்னை: தமிழ்நாட்டில் செய்யப்பட்ட மின்கட்டண மாற்றம் காரணமாக நீங்கள் இரண்டு மாதம் ஒருமுறை செலுத்தும் கட்டணம் வெகுவாக மாற்றம் அடைய உள்ளது.

தமிழ்நாட்டில் மின் கட்டணங்களில் மாற்றம் செய்யப்பட்டுள்ளது. மத்திய அரசு கொடுத்த அழுத்தம் காரணமாகவும், மத்திய மின் வாரியத்துறை தொடர்ந்து கடிதம் அனுப்பியதால், மின் மானியத்தை தடுத்து விடுவோம் என்று கூறியதால், கட்டணத்தை உயர்த்தி உள்ளதாக மின் வாரியத்துறை அமைச்சர் செந்தில் பாலாஜி தெரிவித்துள்ளார்.

இந்த மின் கட்டணம் மாற்றம் காரணமாக, நீங்கள் செலுத்தும் கட்டணத்தில் என்னென்ன மாற்றங்கள் வரும் என்று பார்க்கலாம்.

மின்கட்டண மாற்றம்

1) 100 யூனிட் இலவச மின்சாரம் தொடர்ந்து வழங்கப்படும். ஏழை மக்கள் இதனால் பாதிக்கப்பட மாட்டார்கள் என்று செந்தில் பாலாஜி தனது பேட்டியில் குறிப்பிட்டு உள்ளார். மொத்தம் 2.30 கோடி மின் இணைப்புகள் தமிழ்நாட்டில் உள்ளன. இதில் 1 கோடி மக்களுக்கு எந்த பாதிப்பும் இதனால் இருக்காது. 42 விழுக்காடு மின் இணைப்புதாரர்களுக்கு எந்த மாற்றமும் செய்யப்படவில்லை.

2) குடிசை இணைப்புகளுக்கு இலவச மின்சாரம் தொடரும். அதேபோல் குடிசை தொழில், கைத்தறி, வழிபாட்டு தலங்களுக்கான சலுகை கட்டணம் தொடரும்.

எவ்வளவு

3) 100- 200 யூனிட்டுகளுக்கு இடையில் 2 மாதங்களுக்கு பயன்படுத்துபவர்களுக்கு மாதம் ஒன்றுக்கு ரூ.27.50 உயர்த்தப்பட்டுள்ளது. அதாவது 63.35 லட்சம் வீடுகளுக்கு மின்சாரம் கட்டணம் உயர்த்தப்பட்டுள்ளது.

4) 200- 300 யூனிட் வரை பயன்படுத்தினால் மாதம் ஒன்றிற்கு ரூ.72.50 உயர்த்தப்பட்டுள்ளது. அதாவது 36.25 லட்சம் வீடுகளுக்கு மின்சாரம் கட்டணம் உயர்த்தப்பட்டுள்ளது.

5) 300- 400 யூனிட் வரை பயன்படுத்தினால் மாதம் ஒன்றிற்கு ரூ.147.50 உயர்த்தப்பட்டுள்ளது. அதாவது 18.82 லட்சம் வீடுகளுக்கு மின்சாரம் கட்டணம் உயர்த்தப்பட்டுள்ளது.

விலை கூடும்

6) 400- 500 யூனிட் வரை பயன்படுத்தினால் மாதம் ஒன்றிற்கு ரூ.297.50 உயர்த்தப்பட்டுள்ளது. அதாவது 10.56 லட்சம் வீடுகளுக்கு மின்சாரம் கட்டணம் உயர்த்தப்பட்டுள்ளது.

7) 500- 600 யூனிட் வரை பயன்படுத்தினால் மாதம் ஒன்றிற்கு ரூ.155 உயர்த்தப்பட்டுள்ளது. அதாவது 3.14 லட்சம் வீடுகளுக்கு மின்சாரம் கட்டணம் உயர்த்தப்பட்டுள்ளது.

8) 600- 700 யூனிட் வரை பயன்படுத்தினால் மாதம் ஒன்றிற்கு ரூ.275 உயர்த்தப்பட்டுள்ளது. அதாவது 1.96 லட்சம் வீடுகளுக்கு மின்சாரம் கட்டணம் உயர்த்தப்பட்டுள்ளது.

அதிக கட்டணம் எவ்வளவு?

9) 700- 800 யூனிட் வரை பயன்படுத்தினால் மாதம் ஒன்றிற்கு ரூ.395 உயர்த்தப்பட்டுள்ளது. அதாவது 1.26 லட்சம் வீடுகளுக்கு மின்சாரம் கட்டணம் உயர்த்தப்பட்டுள்ளது.

10) 800- 900 யூனிட் வரை பயன்படுத்தினால் மாதம் ஒன்றிற்கு ரூ.565 உயர்த்தப்பட்டுள்ளது. அதாவது 0.86 லட்சம் வீடுகளுக்கு மின்சாரம் கட்டணம் உயர்த்தப்பட்டுள்ளது. 900 யூனிட்டிற்கு மேல் பயன்படுத்தினால் மாதம் ஒன்றிற்கு ரூ.275 உயர்த்தப்பட்டுள்ளது. அதாவது 1.96 லட்சம் வீடுகளுக்கு மின்சாரம் கட்டணம் உயர்த்தப்பட்டுள்ளது.

English summary

For whom will be the Electricity tariff hike applicable in Tamil Nadu? - 10 points. தமிழ்நாட்டில் செய்யப்பட்ட மின்கட்டண மாற்றம் காரணமாக நீங்கள் இரண்டு மாதம் ஒருமுறை செலுத்தும் கட்டணம் வெகுவாக மாற்றம் அடைய உள்ளது.