மாநகர பேருந்துகளில் சீனியர் சிட்டிசன்களுக்கு இலவச பஸ் பாஸ் டோக்கன்! ஜூலை 21 முதல் விநியோகம்!

சென்னை: ஜூன் 21 ஆம் தேதி முதல் மாநகர போக்குவரத்து கழக பேருந்துகளில் சென்னை வாழ் மூத்த குடிமக்கள் இலவசமாக பயணம் செய்வதற்கான டோக்கன் வழங்கப்படுகிறது.

இதுதொடர்பாக மாநகர் போக்குவரத்துக் கழகம் வெளியிட்டுள்ள செய்திக்குறிப்பில், "மாநகர் போக்குவரத்து கழகத்தில் சென்னை சார்ந்த மூத்த குடிமக்களுக்கான (60 வயதுக்கு மேற்பட்டோர்) ஜூலை 2024 முதல் டிசம்பர் 2024 வரை பயன்படுத்தக்கூடிய ஒரு மாதத்திற்கு 10 டோக்கன்கள் வீதம் 6 மாதத்திற்கான கட்டணமில்லா பேருந்து பயண டோக்கன்கள் வழங்குதல் மற்றும் அடையாள அட்டை புதுப்பித்தல் அல்லது புதிய பயனாளிக்கு வழங்குதல் ஆகியவை இணைப்பில் உள்ள 42 மையங்களில் வரும் 21 -ஆம் தேதி முதல் அடுத்த மாதம் 31-ஆம் தேதி காலை 8.00 மணி முதல் இரவு 7.30 வரை வழங்கப்படும். அதன் பின்னர், இவை வழக்கம்போல் அந்தந்த பணிமனை அலுவலகத்தில், அலுவலக நேரத்தில் வழங்கப்படும்.

என்னென்ன ஆவணங்கள்: சென்னை சார்ந்த மூத்த குடிமக்கள் இத்தகைய கட்டணமில்லா பயண டோக்கன்கள் மற்றும் அடையாள அட்டைகள் புதிதாக பெற இருப்பிட சான்றாக குடும்ப அட்டை, வயது சான்று அல்லது ஆதார் அட்டை, ஓட்டுநர் உரிமம், கல்வி சான்றிதழ், வாக்காளர் அடையாள அட்டை இவற்றில் ஏதேனும் ஒன்றுடன் 2 வண்ண புகைப்படம் சமர்ப்பிக்க வேண்டும்.

மூத்த குடிமக்களுக்கான கட்டணமில்லா பேருந்து பயண டோக்கன்கள் வழங்கும் இடங்கள்:-

வ.எண் பணிமனை / பேருந்து நிலையங்கள்
1. அடையாறு
2. பெசன்ட் நகர்
3. திருவான்மியூர்
4. மந்தைவெளி
5. தியாகராயநகர்
6. சைதாப்பேட்டை
7. சைதாப்பேட்டை பேருந்து நிலையம்
8. மத்திய பணிமனை
9. சென்ட்ரல் ரயில் நிலையம்
10. பிராட்வே
11. குரோம்பேட்டை-1
12. பல்லாவரம்
13. ஆலந்தூர்
14. கிண்டி எஸ்டேட்
15. அய்யப்பன் தாங்கல்
16. வடபழனி
17. கே.கே.நகர்
18. ஆதம்பாக்கம்
19. வேளச்சேரி
20. அண்ணாநகர்
21. கோயம்பேடு
22. அம்பத்தூர் எஸ்டேட்
23. அம்பத்தூர் ஓ.டி
24. ஆவடி
25. அயனாவரம்
26. வில்லிவாக்கம்
27. தண்டையார்பேட்டை-1
28. சுங்கச்சாவடி
29. எண்ணூர்
30. வியாசர்பாடி
31. M.K.B.நகர்
32. மாதவரம்
33. பாடியநல்லூர்
34. செங்குன்றம்
35. தாம்பரம் - மெப்ஸ் பேருந்து நிலையம்
36. பூந்தமல்லி
37. பெரம்பூர் பேருந்து நிலையம்
38. வள்ளலார் நகர்
39. செம்மஞ்சேரி
40. திருவொற்றியூர்
41. கிளாம்பாக்கம்
42. குன்றத்தூர் பேருந்து நிலையம்

மேற்கண்ட பணிமனை அல்லது பேருந்து நிலையங்களில் உரிய ஆவணங்களைக் கொண்டு மூத்த குடிமக்களுக்கான கட்டணமில்லா பேருந்து பயண டோக்கன்களை பெற்றுக் கொள்ளலாம்" என சென்னை மாநகர் போக்குவரத்துக் கழகம் சார்பில் தெரிவிக்கப்பட்டுள்ளது.

ஏற்கெனவே திமுக ஆட்சிக்கு வந்ததும் பெண்களுக்கு இலவச பேருந்து பயணம் வழங்கப்பட்டு வருகிறது. இதனால் ஏழை எளிய நடுத்தர பெண்களுக்கு மாதம் ரூ 1000 வரை சேமிப்பதாக தெரிவிக்கிறார்கள். இந்த திட்டம் திருநங்கைகளுக்கும் பொருந்தும். இதனால் அவர்களும் பொது போக்குவரத்தில் இலவசமாக பயணிக்கிறார்கள். இந்த நிலையில் மூத்த குடிமக்களுக்கும் இலவச பயணம் செய்ய டோக்கன் வழங்கப்படுகிறது.

English summary

Free bus pass tokens for Chennai based Senior citizens will be issues from June 21 to July 31.