“கத்துக்குட்டி ஆடு”..அண்ணாமலை ஒரு மோசடி! ஓபிஎஸ்+டிடிவி+பாமகவுக்கு ஒரு தொகுதியும் கிடைக்காது -காயத்ரி

சென்னை: தமிழ்நாடு பாஜக தலைவர் அண்ணாமலை தலைமையில் பாஜகவுடன் ஓபிஎஸ், டிடிவி, பாமக கூட்டணி அமைத்தால் ஒரு தொகுதி கூட கிடைக்காது என பாஜக முன்னாள் நிர்வாகியும், நடிகையுமான காயத்ரி ரகுராம் தெரிவித்து உள்ளார்.

இதுகுறித்து அவர் ட்விட்டரில் பதிவிட்டு உள்ளதாவது, "பாமக, தேமுதிக, அமமுக, ஐஜேகே, புதிய தமிழகம் கட்சி, ஓ.பி.எஸ் கட்சி இந்த என்டிஏ கூட்டணிக்கு அண்ணாமலையை தலைவராக்க ஏற்பார்களா, ஆதரவு அளிக்குமா? அண்ணாமலையை பாஜக மறைமுகமாக ஊக்குவிக்கும். வளர்ப்பு தந்தை அவரை எல்லா வகையிலும் காப்பாற்ற முயற்சிப்பார். அண்ணாமலை தலைமையில் அனைத்து கட்சிகளும் செயல்படுமா? அண்ணாமலை தமிழக பாஜகவின் மாநிலத் தலைவர் என்பதைச் சொல்லாமல் சொல்ல வேண்டும் என்பது பாஜகவின் வியூகம்.

இந்த கத்துக்குட்டி ஆட்டின் கீழ் பணிபுரியும் அனுபவம் வாய்ந்த தலைவர்கள் அனைவரும் பார்ப்பதற்கு வேடிக்கையாக இருக்கும், இது அண்ணாமலையின் வார் ரூம் அனைவருக்கும் புரியவில்லை. இந்த கத்துக்குட்டி அண்ணாமலை ஏற்றுக்கொண்டார் என்றால் எல்லோரும் சிரிப்பார்கள், இது வட இந்தியா அல்ல, இது தமிழ்நாடு. எல்லோரும் தன்னை ஒரு தலைவராக ஆதரிப்பார்கள், அவரை ஒரு தலைவராகப் பார்ப்பார்கள் என்று அண்ணாமலை நீண்ட காலமாக இந்த உத்தியைக் கனவு காண்கிறார்.

அண்ணாமலை மிகப்பெரிய மோசடி என்பது இப்போது அனைவருக்கும் தெரியும். பார்த்து சிரித்துவிட்டு செல்வார்கள். 2024 தேர்தலில் பிஜேபியுடன் கூட்டணி வைத்து பாமக, தேமுதிக, அமமுக அல்லது ஓபிஎஸ் கட்சி அல்லது ஏதேனும் ஒரு கட்சி வெற்றி பெற முடியுமா? குறைந்தபட்சம் ஒரு தொகுதி? இல்லை அவர்களால் முடியாது. அவர்களால் பாஜக அண்ணாமலைக்கு வாக்குப் பங்கைக் மட்டுமே கொண்டு வர முடியும். பாஜகவுடன் கூட்டணி வைத்தால் ஒரு இடத்தில் கூட வெற்றி பெற முடியாது.

குறிப்பாக பாஜக அல்லது அண்ணாமலை தலைமையிலான தேசிய ஜனநாயகக் கூட்டணியின் கீழ் அவர்களால் வெற்றி பெற முடியுமா? 2026 தேர்தலில் ஒரு கத்துக்குட்டியை தலைவராக்க, மற்ற அனுபவம் வாய்ந்த தலைவர்கள் அனைவரும் கைகோர்ப்பார்கள் என்று நான் நினைக்கவில்லை. அண்ணாமலை வெற்றி வாய்ப்பை கெடுத்துவிட்டதால் பாஜகவை விட்டுவிடுவார்கள் என்று நம்புகிறேன். அவர்கள் அதிமுகவுடன் செல்வது பாதுகாப்பானது.

2024 தேர்தலில் பாஜக முதலில் வெற்றி பெற வேண்டும் அமைச்சர்கள் அல்லது ராஜ்யசபா எம்.பி.க்களுக்கு வாக்குறுதி அளிப்பதற்கு, தாராள பிரபு போல அள்ளி அள்ளி அனைத்து வாக்குறுதிகளும் தில்லுக்கு துட்டாக வழங்கப்படுகின்றன. வெற்றி வாய்ப்புகளுக்கு இதில் "என்றால்" மட்டுமே உள்ளது. ஆனால், தேசிய ஜனநாயகக் கூட்டணியில் தமிழ்நாட்டில் ஒரு இடம் கூட கிடைக்காது." என்று குறிப்பிட்டு உள்ளார்.

English summary

Former BJP executive and actress Gayatri Raghuram has said that if OPS, TTV and PMK form an alliance with BJP under the leadership of Tamil Nadu BJP President Annamalai, they will not get even one seat.